Parolas con la sufisa transitiva -i

Elefen usa la sufisa "-i" per formi multe verbos transitiva, de nomes. Esta paje presenta un modo de clasi tal verbos par se sinifias.

Nota ce elefen ave ance un otra sufisa "-i" cual formi verbos nontransitiva, con la sinifia "deveni". Cuando on ajunta un ojeto pos un tal verbo, lo deveni transitiva e sinifia "causa ce (la ojeto) deveni" o (en un pico de casos) "emete (la ojeto)". Ma esta paje relata sola a la sufisa prima.

usa un util

La radis indica un util, o un cosa metafor simil. La verbo sinifia ce on usa acel util a la ojeto de la verbo (= ce on trata la ojeto con la util).

Esta es la sinifia fundal de "-i". La otras es estendes de esta.

• airografi, ancori, aradi, arponi, axi, balansi, bastoni, biseli, bobini, bombi, botoni, brici, brosi, buloni, clavi, cloi, confeti, cosini, coteli, crici, cronometri, crusi, culieri, cureti, disci, duxi, embraji, embuti, falxi, filtri, flajeli, forni, freni, fusili, gatili, gilotini, grapi, grili, lansi, laseri, lasi, leveri, limi, mangeri, maniveli, marteli, mirori, moldi, molini, monitori, onci, pedali, peteni, pilori, pinsi, rasti, redini, remi, scopi, sentrifugi, sieri, siringi, siseli, sisori, speroni, spini, sponji, stensili, stufi, tamisi, telefoni, telegrafi, torxi, vani, visi, zadi, zipi

Ance (plu metafor): cuxini, serebri, trianguli, truci, perxi

aplica un sustantia

La radis indica un sustantia (o cosa metafor simil a un sustantia). La verbo sinifia ce, en alga modo, on aplica acel sustantia a la ojeto de la verbo.

• acui, airi, amidoni, arjenti, balsami, buri, cafini, carni, catrani, cauxi, clori, coli, cremi, cromi, cupri, drogi, eletrici, eteri, fangi, (des)foresti, gasi, grasi, inci, jesi, lamini, malti, marini, melmi, (des)nevi, niceli, oli, ori, pinti, (des)polvi, sali, saponi, sementi, semini, spisi, suji, (des)tartari, tarti, veneni, vernisi, vinagri, xapi, zucari

Ance: poleni, soli

aplica un cosa

La radis indica un cosa. La verbo sinifia ce on ajunta acel cosa a la ojeto de la verbo.

• arnesi, bandi, barbi, bari, bridi, cadeni, capi, cateteri, (des)cori, coroni, (des)defeti, (desmal)erbi, eticeti, fili, (des)foli (< folia), foli (< fola), garlandi, gradi, ifeni, lini, macini, masci, (des)membri, mobili, motori, nomi, numeri, ombri, pantofli, parametri, partituri, (des)peli, planci, plumi, pompi, ponti, popli, (des)rami, ranuri, rebiti, roboti, (des)ruidi, (de)scalpi, (de)scami, scermi, seli, semi, sepi, (de)spiriti, steli, struturi, suturi, tapeti, tapi, teli, terazi, (des)testi, (des)teti, tituli, vantaji, vasini, venti, (des)ventri, vesti, xarnieri

Ance (plu metafor o consetal): alfabeti, autori, capitali, codigi, coloni, colori, cuali, dati, festi, fundi, ijeni, industri, monopoli, normi, pasi, pasioni, perili, rescati, scemi, stili, terori, zeli

usa un parte de la corpo

En esta grupo peti, la radis es un parte de la corpo umana. La verbo sinifia ce on usa acel parte de la corpo en un modo spesial (per trata la ojeto de la verbo – ma en multe casos la ojeto es nonimportante e ometeda).

• dorsi, fronti, gami, palmi, palpebri, pedi

Ance: brasi (sin sinifia spesial)

move par un veculo

La radis es un veculo. La verbo sinifia ce on usa acel veculo per transporta la ojeto de la verbo.

Evidente esta es mera un caso de "usa un util", ma la parolas formi clar ance se sugrupo propre.

• avioni, balsi, barconi, bisicli, camioni, naveti, patini, sceti, sci, treni

pone en un contenador

La radis es un contenador (fisical o metafor). La verbo sinifia ce on pone la ojeto de la verbo en la contenador.

On pote regarda esta verbos egal como casos de aplica o casos de usa.

• arcivi, boti, baldoni, boteli, braseti, casi, (des)casci, catalogi, categori, caxi, clasi, documenti, gaini, jari, marjini, memori, nidi, ospitali, paci, parci, poxi, prisoni, redi, saci, stali, tombi, trapi, troni, veli

representa en alga forma

La radis es un forma de espresa, o un metodo de representa. La verbo sinifia ce on espresa la ojeto de la verbo en acel forma.

Esta es vera un caso spesial de "pone en un contenador".

• antoloji, blogi, claxoni, creti, drami, esempli, filosofi, fotografi, legi, leteri, litografi, mesaji, modeli, olografi, orcestri, pituri, programi, radiografi, rapi, satiri, sifri, simboli, siniali, tamburi, teori, tipografi, trompi, vosi

casos nonusual

• estati, inverni – La sinifia leteral asi es "aplica un estate/inverno a (un organisme)", ma pratical on usa esta verbos per dise "causa ce (un organisme) pasa un estate/inverno (en un loca spesial)".
• scandali – pone la popla en un state, como on pone un cosa en un contenador