Pede (unias de mesura)

La pede es un unia de longia antropica, tradisional usada par multe sosias tra istoria, incluinte la elinica, roman, xines, franses e otra partes de Europa ueste. La longia ia es tipal entre 250mm e 335mm, e plu comun divideda entre 12 (o a veses 16), ma la longia ia varia de pais a pais, site a site, an de comersia a comersia. La sola varia comun usada oji es lo de England, do lo es nomida un foot ("pede"). Usa de la foot ia sperde tra la Impero Brites, e es usada en alga partes como un mesura tradisional, an si los ia adota la sistem metral. Sola la SUA usa la foot e mesuras relatada en la plu de sua ativias. Lo es definida como 0.3046 metres.

Normas nonofisial per la publica, erijeda a la Oserveria Real en Greenwich en la sentenio 19

An cuando la usa de la metre ia comensa, atentas a uni la du sistemes continua. En Frans, per esemplo, los ia introdui la pied métrique, definida como un tri de un metre. Esta esiste asta 1837. La pede internasional de oji coresponde a un pede umana con sapatos de grandia 13 (RU), 14 (mas, SUA), 15.5 (fema, SUA), o 48 (EU). Un pede es 12 ditos (inches, 25.4 mm), o 0.3048 m; tre pedes es un iard (yard), o 0.9144 m; 5380 pedes es un milia (mile), o 1.609344 km.

  • deutx: Fuß
  • nederlandes: voet
  • dansce: fod
  • franses: pied
  • italian: piede
  • portuges: pé
  • espaniol: pie
  • txecia: stopa