Pemfigo

Pemfigo es un grupo rara de maladias autoimune cual causa la buli de la pel e membranas mucosa. La nom es de elinica pemphix ("pustula").

Un foto de pemfigo de 1886, par George Henry Fox

En pemfigo, autoanticorpos formi contra desmoglein. Desmoglein formi la "cola" cual ia selulas visin de la epiderma par puntos de lia nomida desmosomes. Cuando autoanticorpos ataca desmogleines, la selulas deveni separada de lunlotra e la epiderma deveni "descolida", un fenomeno nomida acantolise. Esta causa bulas cual desfoli de la pel mor e deveni ulseras. En alga casos, esta bulas pote covre un area sinifiante de la pel.

Orijinal, la causa de esta maladia no ia es conoseda, e "pemfigo" ia es usada per refere a cualce maladia bultinte de la pel o mucosa. En 1964, rexercores ia trova ce la sangue de pasientes con pemfigo ia conteni anticorpos a la stratas de pel cual separa per formi la bolas. En 1971, un article investigante la natur autoimune de esta maladia ia es publicada.