Persegue de cristianes

La persegue de cristianes pote es trasada de la sentenio 1 de la eda cristian asta oji. La prima cristianes ia es persegueda par causa de sua fida par iudis e par romanes ci ia controla la teras en cual cristianisme temprana ia estende. A la comensa de la sentenio 4, un forma de la relijio ia es legalida par la Proclama de Milan, e lo a fini ia deveni la eglesa statal de la Impero Roman.

Martiria de fem cristian su Neron en la depinta La Dirce cristian, par Henryk Siemiradzki (1897).

La misionores cristian como ance convertidas a cristianisme ia es ojeto de persegue de la emerji de cristianisme, a veses asta es martirida par causa de sua fida.

La fendes de la eda medieval e spesial la Reformi Protestante, a veses ia provoca disputas sever entre ramos cristian asta persegue lunlotra.

En la sentenio 20, cristianes ia es persegueda par governas diversa incluinte la Impero Osmanian (muslim) en la forma de Jenoside Haieren, la Jenoside Asirian e la Jenoside Elinica, como ance la statos ateiste como la Uni Soviet e Txoson. En la Gera Mundal Du membros de alga eglesas cristian ia es persegueda par Deutxland Nazi per resiste la ideolojia nazi.

En tempos plu resente, la organiza misionor cristian Open Doors estima ce plu ca 200 milion cristianes es persegueda, xef en paises muslim como Pacistan e Arabia Saudi.

Vide ance edita

Lias esterna edita