Preverbo

Preverbos es parolas en elefen ce presede la verbo e ave roles spesial. Es du spesies de preverbos.

La preverbo prima, si el es usada, es la averbo spesial no. El presede la otra preverbos.

La otra preverbos es la particles de tempo:

• ia, cual indica ce la frase referi a un aveni en la pasada;
• va, cual indica ce la frase referi a un aveni en la futur;
• ta, cual indica ce la frase referi a un aveni nonreal.

On usa sola un de estas ante la verbo. Jeneral, on no nesesa usa ta cuando la nonrealia de la frase es indicada par otra parolas (como si, vole, debe, etc) o par la situa. Ance, si un narada es intera en la pasada, on pote lasa la ia cade per conveni.