Prinse Albert de Saxe-Coburg e Gotha

Prinse Albert de Saxe-Coburg e Gotha (Francis Albert Augustus Charles Emmanuel; 26 agosto 1819 – 14 desembre 1861) ia es la sposo de Rea Victoria.

Prinse Albert, 1840, par John Partridge

El ia nase en la duxia de Saxe-Coburg-Saalfeld, en un familia liada a multe de la monarcas renante de Europa. A 20 anios, el ia sposi sua cusin (de grado un), Re Victoria. Los ia ave nove enfantes. A la comensa, el ia senti constrinjeda par sua rol de "sposo real", cual no ia permete cualce potia o obligas a el. El ia developa par grados un reputa per suporta promoves publica, como la reformi de educa e la aboli de sclavia en la mundo, e ia es encargada con la maneja de la familia, ofisia, e imobila de la rena. El ia es multe envolveda en la organiza de la Esibi Grande de 1851, cual ia es un susede enorme.

Victoria ia deveni plu dependente de sua suporta e gida. El ia aida la developa de la monarcia constitual de la Rena Unida par convinse sua sposa per deveni min partisan en sua tratas con parlamento, an ce el ia nonacorda ativa con la politica esterna interveninte segueda en la periodo en cual Visconte Palmerston ia servi como secretor esterna. En 1857, Albert ia es donada la titulo formal de prinse sposo real.

Albert ia mori a la eda relativa joven de 42 anios. Victoria ia es tan misera a la mori de sua sposo ce el ia entra en un state profonda de lamenta e ia porta vestes negra per la resta de sua vive. A la mori de la rea en 1901, sua fio prima ia seguente la rena como Re Edward 9, la monarca prima de la dinastia de Saxe-Coburg e Gotha, nomida per la dinastia duxal de Prinse Albert.