Rapidia

En cinematica, la rapidia (comun nomida v) de un ojeto es la grandia de la cambia de sua loca tra tempo o la grandia de la cambia de sua loca per unia de tempo; lo es donce un cuantia scalal. La rapidia promedia de un ojeto en un interval de tempo es la distantia traversada par la ojeto divideda par la dura de la interval; la rapidia instante es la limita de la rapidia promedia cuando la dura de la interval de tempo prosimi zero. Rapidia es la grandia de la rapidia vetoral, cual indica ance la dirije de move.

Rapidia es la taso a cual un ojeto vade tra un distantia. Un ojeto rapida movente ave un rapidia alta e vade tra un distantia relativa grande en un cuantia spesifada de tempo, en cuando un ojeto lenta movente vade tra un cuantia relativa peti de distantia en la mesma cuantia de tempo.

Rapidia ave la dimensiones de distantia divideda par tempo. La unia SI de rapidia es la metre per secondo (m/s), ma la unia la plu comun de rapidia en usa dial es la cilometre per ora (km/h) o, en la SUA e la RU, milias per ora (mph). Per viaja par aira e mar, la noda es comun usada.