Reuni de Deutxland

Pos plu ca 40 anios de divide de Deutxland, a 3 otobre 1990, la reuni de Deutxland ia aveni. La parte este, lo cual ia es la Republica Deutx Democratial (RDD), ia junta se con la Republica Federal Deutxland (RFD) con sinco paises federal, e ia sesa esiste como stato autonom.

Esta developa pasosa ia es posible par causa de cambias democrata en la Uni Soviet.

Datas importante

1989:

Pos cuando Magiar ia abri sua frontera a Osteraic en maio, vera multe sitadanes de la RDD ia atenta fuji de sua pais en esta modo.
En julio, sitadanes de la RDD ia ocupa la ambasadas de la RFD en Berlin, Praha, Budapest e Varsava per forsa los a viaja a la ueste.
19 agosto: 600 sitadanes de la RDD ia fuji tra la frontera de Magiar a Osteraic.
4 setembre: La "protestas de lundi" per libria democrata aveni en Leipzig. En la semanas seguente tal protestas aveni a cada lundi con multe mil partisipores.
10 setembre: La "Foro Nova" es fundida como promove per la librias de sitisanes. Otra organizas segue en la dias seguente: "Democratia Aora", "Partito Sosial-Democratial" e "Inisia Democrata".
7 otobre: La gidores de la stato selebra la aniversario 40 de la RDD. Los iniora la cambias en la pais.
4 novembre: Un protesta grande con sirca 500 mil partisipores aveni en Berlin.
9 novembre: En televisa on anunsia ce cada person va pote pasa la frontera. A pos, multe sentos de sitadanes forsa un abri subita a la frontera a Berlin ueste.
18 novembre: Erich Honnecker, la xef de stato e de la "Partito Sosialiste Unida", es sustituida par Egon Krenz.

1990:

18 marto: Elejes libre aveni. La ganior es la "Alia per Deutxland", un alia de partitos e grupos prosima de la "Uni Crististe-Democratial", la partito conservaliste gidante en la RFD.
De maio: "Du plu cuatro" – negosias aveni entre cuatro potias ocupante pasada – la SUA, Britan (la Rena Unida), Frans e la Uni Soviet – e la du statos deutx, per reuni Deutxland como un stato.
1 juli: La "marc deutx" (de la RFD) es la moneta comun en ambos statos.
3 otobre: La reuni aveni.