Reversi

jua de stratejia

Reversi, o Othello, es un jua de stratejia per du juores, juada sur un table de oto par oto cuadros. On ave 64 pesos identical nomida "discos", cual es blanca a un lado e negra a la otra. Juores ave turnos de pone discos sur la table con sua color asiniada fasante a supra. Si juor un ave un disco a un fini de un linia de discos (vertical, orizonal, o vertical) de juor du, e alora pone un disco a la otra lado de la linia, pote reversa la linia completa de juor. La mesma aplica sin regarda a cual cuantia de discos es entre la du a la finis, an si sola un disco es entre los.

Un contesta en un Festa de Juas en Cannes, Fransz
La comensa de la jua Othello

La jua de Reversi ia es inventada en 1883. La varia Othello ia es patentada en 1971 par la compania Mattel. Esta ia es nomida Othello per la carater de la presenta teatral par Shakespeare. Los ave diferes minimal. En Reversi, la moves comensante es en la cuatro cuadras sentral, e elejeda par la juores en sua moves prima. En Othello, los pone la pesos en un ordina spesifada: du blancas a un diagonal, du negras a la otra diagonal de la cuatro cuadras sentral. Un otra difere es videda cuando un juor no pote pone un peso: En Reversi, la jua fini alora; en Othello, la juor perde sua turno, e la jua continua.

Pos la pones inisial, cada juor debe pone sua peso a un cuadro cual resulta en un reversa de a min un peso de la otra juor. La gol de la jua es per ave la majoria de discos reversada per mostra sua color cuando la cuadro vacua final es plenida.