"La virjin solitar", un formi de rocas supra la rio
Un mapa de la basin de la Rio Lena

La Rio Lena (rusce: Ле́на) es la rio la plu este de la tre rios grande de Sibir cual esflue en la Mar Artica (la otras es la Rio Ob e la Rio Ienisei). Permajelada es sutera la plu parte de la basin, 77% de cual es contatante. La Lena es la rio 11 la plu longa en la mundo.

La Lena orijina a un altia de 1640 metres a sua fonte en la Montes Baical sude de la plano alta sentral de Sibir, sete km ueste de Lago Baical. El flue a la Mar Laptev, un divide de la Mar Artica, e fini sude-ueste de la Isolas de Nova Sibir prosima a la estuario de la Lena, 30,000 km2 en area. La area de la basin de la Lena es sirca 2,490,000 km2.

A la fini de la Rio Lena on ave un estuario cual estende 100 km en la Mar Laptev e es sirca 400 km larga. La estuario es tundra jelada per sirca sete menses de la anio, ma en maio, la rejion es mutada a un pantan rica per alga menses. La estuario divide se en un colie de multe isolas plata - La Isolas de Nova Sibir.