Abri la menu xef
Un mapa de la rio Volga e sua basin
La Volga a Ulianovsc, Rusia
Un depinta par Ilia Efimovitx Repin, sirca 1870, de la barcasores sur la Volga

La rio Volga es la rio la plu longo en Europa. Lo es ance la rio con la basin la plu grande en Europa. La rio flue tra Rusia sentral e a la mar Caspio. Des-un de la dudes sites la plu grande de Rusia, incluinte la capital Moscva, es locada en la basin de la Volga. Alga de la lagos de reserva la plu grande es locada longa la Volga. Lo es comun videda como la rio nasional de Rusia. Lo ave un sinifia simbolin en la cultur, e es comun refereda como Волга-матушка (Volga-Matuxca - "Madre Volga").

La area basa de la Volga es comun crededa como la cuna de la cultur protoindoeuropean. Plu tarde, lo ia es colonida par la hunes e otra popla turcica en la milenio prima ec, recambiante la scitas. La scrivor antica Ptolemeo de Alexandria ia nota la Volga basa en sua Jeografia. El ia nomi lo la Rha, cual ia es la nom scitan per la rio. Ptolemeo ia crede ce la rio Don e la Volga ia comparte la mesma ramo alta, desendente de la "montes Hiperborean".

A pos, la basin de la rio ia ave un rol importante en la moves de poplas de Asia a Europa. Un grupo potiosa de la balgarsces de la Volga ia flori do la rio Cama junta la Volga, cuando la hazares ia controla la partes plu basa. Sites a la Volga como Atil, Sacsin, e Sarai ia es entre la sites la plu grande de la mundo medieval. La rio ia servi un via importante de comersia, juntante Scandinavia, Rus, e Balgaria de Volga con Hazaria e Persia.

La hazares ia es recambiada par la ciptxaces, cimeces, e mongoles, ci ia fundi la Hania Oro en la partes basa de la Volga. Plu tarde, la impero ia divide entre la Hania de Cazan e la Hania de Astrahan, ambos concistada par la rusces en la Geras Rusce-Cazan en la sentenio 16. La emosia profonda de la popla rusce per la Volga es mostrada en la cultur e leteratur nasional, comensante de la Saga de la Batalia de Igor de la sentenio 12. La Эй, ухнем! (Ey, ukhnem!, "io, trae!"), conoseda en otra paises como la "Canta de la barcasores"