Secondo
La secondo (simbol: s) es la unia de tempo en la Sistem Internasional de Unias (SI), istorial definida como 1⁄86 400 de un dia – esta fator derivada de la divide de la dia prima a 24 oras, alora a 60 minutos e final a 60 secondos cada (24 × 60 × 60 = 86 400).
La defini corente e formal en la Sistem Internasional de Unias (SI) es plu esata:
Un secondo es la dura de 9 192 631 770 osilas de la radia emeteda en la cambia entre la du niveles de iperfina de la state fundal de isotopo 133 de la atom de sesio (133Cs) a un temperatur de 0 K.
Esta defini corente ia es adotada en 1967 cuando lo ia deveni posible per defini la secondo fundida sur cualias fundal de natur con orolojos de sesio. Car la rapidia de la jira de Tera varia e lenti multe pico, un secondo insertada es ajuntada a intervales nonperiodal a la tempo sivil per manteni orolojos sincronida con la jira de Tera.