o senet es un jua de table de Egipte antica, de cual la regulas es un sujeto de divina. La ieroglifos la plu vea cual sembla un jua de senet dati a sirca 3100 aec. La nom completa de la jua en egiptian ia es zn.t n.t ḥˁb, cual sinifia "la jua de pasa".

Un imaje de Rea Nefertari juante senet
Un table de senet de Amunhotep 3
Un table de senet plu umil
O34
N35
X1

Senet es un de la juas de table la plu vea. Pesos de tables cual pote es senet ia es trovada en la enteras de la Dinastia Prima en Egipte, sirca 3100 aec. Un ieroglifo cual sembla la table apare en la tomba de Merknera (3300 - 2700 aec). La depinta prima cual es nonambigua es de la Dinastia 3, en la tomba de Hesy (sirca 2686 - 2613 aec). Persones es mostrada juante senet en un depinta en la tomba de Rashepes, e en otra tombas de la Dinastia 5 e 6 (sirca 2500 aec). La table de senet intata la plu vea dati a la Rena Media, ma grafiti sur monumentos de la Dinastia 5 e 6 pote dati tan temprana como la Rena Vea.

A la min, per la tempo de la Rena Nova de Egipte (1550 - 1077 aec), senet ia es videda como un representa de la viaja de la ka (la spirito) a la vive pos mori. Esta lia es fada en la Testo de la Jua Grande, cual apare en un cuantia de papiro, e ance la apare de marcas de sinifia relijiosa sur tables de senet mesma. La jua es ance notada en capital 42 de la [[Libro de la Mor]. Un studia sur un table de senet en la Museo Egiptian Rosicrusian, datinte a la Rena Nova temprana, mostra la evolui de la jua de sua orijinas secular a un fabricada plu relijiosa.

Senet ia es ance juada par persones en cultures visina, e lo ia veni probable a esta locas par relatas de comersia. Lo ia es trovada en la Levante a locas como Arad e Biblos, e an en Cipros. Car la popla de esta areas ia fabrica la juas de petra, on ave plu tables de senet en Cipros ca en Egipte.

La table per senet es composada de 30 cuadros, ordinada en tre linias de 10. La table ave du colies de peones (a min sinco de cada). An si la detalias de la regulas orijinal es un sujeto de divina, istorians Timothy Kendall e R. C. Bell ia recrea un idea de la jua. Esta regulas es fundida en pesetas de testos, sperdeda tra un mil de anios, tra cual la regulas ia probable cambia. Senas trovada en tombas de la Rena Vea, 2686 - 2160 aec, mostra ce senet ia es un jua de pone, stratejia, e un poca fortuna.

Regulas posibleEdita

La table ave tre linias de des cuadros. Lo es suposada ce la moves es de la cuadro a la canto alta sinistra, e la move es a la destra en la linia prima, a sinistra en la linia sentral, e a destra en la linia final.

Cada juor ave sinco pesos (o posible sete). Un colie es corta e formida como un bobin; la otra es plu alta e formida como cono o un peon en xace.

Los usa cuatro pesos de lenio, plata a un lado e ronda a la otra. Un lado plata mostrante sinifia un move de un cuadro; du lados plata, du cuadros, tre lados plata, tre cuadros, cuatro lados plata, cuatro cuadros. No lados plata sinifia sinco (o posible ses) cuadros e un plu turno.

Per sorti de la table a la cuadro final, on debe lansa la cuantia esata de cuadros. Cuadros 26, 27, 28, 29, e 30 (en alga tables) ave sinias cual indica la cuantia nesesada per sorti de la table. Lo es suposada ce esta cuadros es "secur", pd un peso ala no pote es "caturada" (enviada a la comensa o alga otra cuadro).

Algas defini plu regulas per alga cuadros, como cuadro 15 e 26 (posible un plu turno). Lo es ance posible ce los ave no sinifia. Lo es ance posible ce juores, tra la edas, ia ajunta sinifias e regulas spesial per multe cuadros!

Un varia sujesta ce la jua comensa con la pesos estra la table. On debe lansa un sinco per entra un peso.

Otra varias sujesta ce ambos juores comensa sur la table. Lo es posible ce la pesos comensa a la des cuadros de comensa, ordinada alternante. Lo es ance posible ce la pesos comensa a la cantos oposante, simil a trictrac. En cual caso, lo es posible ce la pesos comensa a sua propre sinco cuadros.

Si on move resulta en un cuadro ia ocupada par un peso oposante, esta peso debe recomensa. Algas sujesta ce acel peso debe reveni a la cuadro de orijina de la peso atacante. Otras sujesta ce esta "catura" no ia esiste.

Alga de la tables orijinal cual ancora esiste ave cuatro cuadros a 1, 2, 3, e 4, e la mesma a cuadros 21, 22, 23, e 24. Posible, esta es un varia de senet, en cual cuatro pesos comensa a la cuatro cuadros a la linia alta e basa, e ambos ecipo debe core longo la linia sentral e sorti de lo, simil a la moves en la jua de Ur. Esta es ance posible ce moves simil opera sur tables de 30 cuadros.