Seramica en Elas antica
La seramica en Elas antica, par causa de sua dura relativa, ensirca un grande parte de la rejistra arceolojial de Elas antica, e de ala es multe de lo (plu ca 100 000 vasos depintada es rejistrada en la Corpus vasorum antiquorum), lo ia ave un influe nonproportial grande sur nosa comprende de la sosia elinica. La fratos de vasos dejetada o enterada en la milenio 1 aec es ancora la gida disponable plu bon per comprende la vive e mente costumal de la elinicas antica. On ia ave varia vasos produi local per usa dial e en la cosina, an tal seramica plu delicata de rejiones como Atica ia es importada par otra sivilias tra la Mar Mediteraneo, como la etruscas en Italia. On ia ave varias rejional, como la seramica elinica antica de Italia sude.
