Aploide e diploide

En biolojia, la sicle de vive es un serie de cambias en forma cual un organisme vade, reveninte a la state comensante. La cambias de forma pote inclui crese e reprodui sesal o nonsesal.

La nucleo de un selula eucariotica es aploide si lo ave sola un colie de cromosomas, e cada cromosoma no es parte de un duple. Si esta es la caso, la selula e la organisme completa es ance nomida aploide. Gametas (spermas e ovos) es esemplos. La crea de selulas aploide es par la autodivide de selulas diploide, cual es nomida meiose)

La nucleo de un selula diploide ave du copias de cada cromosoma. Cuasi tota mamales es organismes diploide, con sola gametes aploide.

Cicles de vive cual inclui reprodui sesal ave pasos alternante haploide e diploide, pe un cambia de ploidia (la cuantia de cromosomas completa en un selula) es envolveda.

En alga organismes, "jeneras" diferente de la spesies susede lunlotra en la sicle de vive. Per plantas e alga alges, on ave du pasos multiselulal, e la sicle de vive es nomida la alterna de jeneras. Alga organismes, como alge roja ave tre o plu pasos multiselulal.

Tota plantas e multe fungos e alges cambia entre un state aploide e diploide, cual es nomida la alterna de jeneras. Ance, un cuantia peti de organismes es poliploide (pd triploide, tetraploide, etc), pe bananas, cafe, alga bateria, insetos, e an alga amfibios e retiles. Per reveni de un paso diploide a un paso aploide, meiose debe aveni.

Regardante cambias de ploidia, on ave tre tipos de sicles:

  • sicle de vive aplontica - la paso aploide es multiselulal e la paso diploide es multe corta e sola un selula, e meiose es zigotica (pd formida de la fusa de du selulas aploide).
  • sicle de vive diplontica - la paso diploide es multiselulal e gametes aploide es formida de los, e meiose es gametica (pd, la fusa de du selulas aploide, tiplal un sperma e un ovo, de cual la resulta es nomida un zigoto).
  • sicle de vive diploaplontica - pasos multiselulal diploide e aploide aveni, e meiose es sporica (pd, par la sperde de sporas, como en moses).

La sicles difere par cuando mitose (crese par la divide de selulas) aveni. Meiose zigotica e gametica ave un paso mitotica: mitose aveni en la paso n en meiose zigotica e en la paso 2n en meiose gametica. Donce, meiose zigotica e gametica es ambos nomida aplobiontica (pd sola un fase mitotica cual debe no es confusada con aplontica). Meiose sporica, a la otra lado, ave mitose en du pasos - la paso diploide e la paso aploide, e es nomida diplobiontica (cual debe no es confusada con diplontica).