Siliata
La siliatas es un grupo de protistas con organetas simil a capelas nomida silia, cual es la mesma en strutur como flajelos, ma es jeneral plu corta e presente en un cuanta multe plu grande, con un modo ondante diferente de lo de flajelos. Silia aveni en tota membros de la grupo e es usada variosa per nada, rampe, afisa, come, e sensa. Tota modos de condui es coordinada par prosedes de siniales.
La siliatas es un grupo importante de la protisas, comun trovada a cualce loca con acua: en lagos, mares, rios, e la solo de tera. Sirca 3500 spesies ia es descriveda, e lo es posible ce la cuantia de spesies esistente pote ateni 30,000. Incluida en esta cuantia es multe ectosimbiotica e endosimbiotica spesies, e ance alga parasitos obligada e oportunal. Spesias varia en grandia de tan peti como 10 µm a tan grande como 4 mm longia, e inclui alga de la protozones la plu complicada en morfolojia.