Sindrom de Korsakov
La sindrom de Korsakov (acc psicose de Korsakov, e ance speleda Korsakoff) es un disturba neurolojial causada par la manca de tiamina (vitamina B1) en la serebro. El es nomida per Sergei Korsakov, la neurolojiste rusce ci populali la teoria.
On ave ses sintomes major de la sindrom:
- 1. amnesia anterograda
- 2. amnesia retrograda
- 3. recordas falsa - la crea de memorias cual la pasiente crede como vera, e cual pleni la bucos en memoria asosiada con perde de consiensa
- 4. contenida minimal en conversa
- 5. manca de intui
- 6. apatia - perde rapida de interese en avenis
Esta sintomes es causada par un manca de tiamina (vitamina B1), cual causa probable dana a la talamo medial e posable a la corpos mamelin, e la atrofia jeneral de la serebro.
La sindrom deveni de malnuri, frecuente causada par alcolisme. El pote ance es causada par disturbas de come, vomita cronica, nausea ensintal, la efetos de cimoterapia, veneni par mercurio, e mordes par la sentipede mukade en nion.
Trata es composada de repone o aumenta de tiamina intravenal o par injeta, con bon nuri e idri. Ma la amnesia e dana a la serebro responda no sempre a terapia. Recovre es lenta e frecuente noncompleta.