Abri la menu xef
Blausen 0400 FemaleReproSystem 02.png
Scheme female reproductive system-en.svg

La sistem de reprodui de femes es composada de la organos de seso interna e esterna cual funsiona en la reprodui de enfantes nova. La sistem corespondente per omes es descriveda a Sistem de reprodui de omes.

La sistem de reprodui de femes, es nonmatur a nase e deveni matur a maturi sesal, sirca 12 anios, cuando el deveni capas de produi gametas e cuando la fem pote jesta un feto a completi. La organos sesal interna es la utero, la trompas de utero, e la ovarios. La utero pote como casi la embrio cual developa a un feto. La utero ance furni secretes vajinal e uteral cual aida la move de spermas a la trompos. La ovarios produi la ovos. La organos sesal esterna (o jenitales) es la vulva, composada de la labia, la clitoris, e la abri vajinal. La vajina es ajuntada a la servix (colo de la utero).

A intervales, la ovarios relasa un ovo, cual pasa tra la trompa e en la utero. Si, en sua viaja, la ovo encontra spermas, un sola sperma pote entra e fusa con la ovo, cual es alora un zigoto, en cual la cromosomas de la ovo e sperma es unida, e la developa de un umana comensa.

Fertili tipal aveni en la trompas e marca la comensa de embriojenese. La zigoto alora divide repetante tra sufisinte jeneras de selulas per formi un blastosiste, cual planti se en la mur de la utero. Esta comensa la periodo de jesta e la embrio ta continua developa asta completi. Cuando la feto ia developa sufisinte per survive estra la utero, la colo de la utero dilata e contratas de la utero propulsa la enfante tra la vajina a la mundo esterna.

Scheme female reproductive system-number-full.svg
  • 1. Vulva:
    • 2. Labia major
    • 3. Labia minor
    • 4. Vestibulo
  • 5. Clitoris:
    • 6. Glande
    • 7. Corpo
    • 8. Bulbo de vestibulo
  • 9. Vajina:
    • 10. Imen
    • 11. Lumen
    • 12. Mur
    • 13. Fornix (ladal)
  • 14. Utero:
    • Partes:
    • 15. Servix (colo);
    • 16. Corpo
    • 17. Funda
    • 18. Abris esterna e interna
      • 19. Canal servixal;
      • 20. Caveta uteral
    • Stratos:
      • 21. Endometrio
      • 22. Miometrio
      • 23. Perimetrio
  • 24. Trompa de utero:
    • 25. Istmo;
    • 26. Amforeta;
    • 27. Embuto;
    • 28. Fimbria
    • 29. Fimbria ovarica
  • 30. Ovario
  • 31. Peritoneo:
    • 23. Perimetrio
    • 32. Ligamento vasta
      • 33. Mesosalpingo
      • 34. Mesovario
      • 35. Mesometrio)
  • Ligamentos:
    • 36. Ronda
    • 37. Ovarial
    • 38. Suspendador de ovario
  • Vasos sangual:
    • 39. Arterio e veno ovarial
    • 40. Arterio e veno uteral
    • 41. Arterio e veno vajinal
  • 42. Solo de pelvis (levador anal)