Sneguroxca (rusce: Снегу́рочка) es un carater en fables rusce. Lo pare no ave orjines en mitos slavica e apare sola en la sentenio 19 en foclor rusce. La nara la plu vea es de du campanianes in enfantes, Ivan e Maria, ci ia fabrica un pupa de neva e nomida el Sneguroxca. Tra tempo, Sneguroxca ia deveni un fia vera, e un grupo de xicas invita el per pasea en la bosca. Los prepara un foco peti e fa turnos volta supra lo. Cuando la turno per Sneguroxca aveni, el ia comensa volta - ma sola ateni la media e evapora como un nube peti.

Sneguroxca, par Boris Zvoricin

En un otra nara, el ia es la fia de Besna-Crasna ("Primavera Bela") e Ded Moroz ("Padre Glasa"), e anela per la acompania de umanas mortal. El deveni enamada de un pastor nomida Lel, ma sua cor no ia es capas per conose ama. Sua madre ia compatia el, e dona a el esta capasia. Ma direta cuando el senti ama, sua cor ia caldi e el fonde.

Esta varia de la nara ia es fabricada como un presenta teatral par Alecsandr Ostrovscu, con musica acompaniante par Txaicovsci en 1873. En 1878, composor Ludwig Minkus e mestre de baleta Marius Petipa ia presenta un varia per baleta de Snegurotxa titulida La fia de la Nevas per la Baleta Imperial de la tsar. La nara ia es ance presentada como un opera par Nicolai Rimsci-Corsacov titulida La fia de neva: un fable de primavera (1880-81).

En la Impero Rusce tarde, Sneguroxca ia es un parte de la selebra de natal, en la forma de scultetas per decora la arbor abeto, e como un carater en presentas par enfantes. En la Uni Soviet temprana, la tradision de natal ia es proibida con tota otra tradisiones cristian. Ma, en 1935, la selebra de la anio nova ia es permeteda, cual inclui la arbor e Ded Moroz. A esta ves, Sneguroxca ia reseta la rol de la neta de Ded Moroz e ce sua aidor en la selebras de la anio nova per enfantes.