Sun Ce

Sun Ce (pronunsiada "sun tse", 175–200), con la nom cortes Bofu, ia es un jeneral militar e un xef de gera ci ia vive en la dinastio Han este de Xina. El ia es la enfante la plu vea de Sun Jian, ci ia es matada en la batalia de Xiangyang cuando Sun Ce ia ave sola 16 anios. Sun Ce alora ia separa de la senior de sua padre, Yuan Shu, e ia vade a la rejion de Jiangdong en Xina sude per crea sua propre base de potia ala. Con la aida de otras, como Zhang Zhao e Zhou Yu, Sun Ce ia pote developa la funda de la stato de Wu este en la periodo de tre renas.

Un depinta de Sun Ce de la libro de la dinastio Qing "Romanse de la tre renas"

En 200, cuando la xef de gera Cao Cao ia es a gera con sua enemi Yuan Shao en la batalia de Guandu, alga persones ia sujeste ce Sun Ce ia intende ataca Xuchange, la base de Cao Cao. Ma el ia es asasinada ante el ia pote completa sua intende. Sun Ce ia es onorada pos mori como la "prinse Huan de Changsha" par sua frate plu joven Sun Quan cuando Sun Quan ia deveni la imperor prima de Wu este.

La Arcivos de la tre renas (Sanguozhi) par Chen Shou ia descrive Sun Ce como un om bela ci ia es plen de rie. El ia es ance un om jenerosa e resetante ci ia emplea persones per sua capasias. Per esta, sua sujetos no teme risca sua vives per el. Un criticor nomida Xu Gong, en un letera a imperor Xian, comparada Sun Ce a Xiang Yu, la geror-re ci vinse la dinastia Qin. Esta resulta en sua nometa "peti concistor" en cultur popular.