Taj Mahal

La Taj Mahal ("la corona de la palasio") es un mausoleo de marmar blanca ivorin a la riva sude de la rio Yamuna en la site Agra en India. Lo ia es encargada en 1632 par la imperor mugal, xa Jahan (renante de 1628 a 1658), per casi la tomba de sua sposa favorida, Mumtaz Mahal. La tomba es la peso sentral de un compleso de 17 hectare, cual inclui un mascita e casa per visitores, e es situada en jardines formal, encluida a tre lados par un mur merlonida.

La Taj Mahal

La Taj Mahal ia es declarada un Loca de Erita Mundal (UNESCO) en 1983 como "la joala de arte muslim en India e un de la obras mestral universal amirada de la erita de la mundo". Lo es videda par multe como la esemplo la plu bon de arciteta mugal e un simbol de la istorial rica de India. Lo atrae 7 a 8 milion visitores cada anio.