Testo de Babel

La testo de Babel (Jenese 11:1-9) es un nara en la Atesta Vea de la Biblia ce esplica la orijina de la multe linguas de la mundo. Esta sita es frecuente usada per mostra linguas artifisial, como lingua franca nova.

Aora, la mundo intera ia ave un lingua e la mesma parolas
Cuando la popla ia parti a la este, los ia trova un plano en la pais de Xinar e vade abita ala.
Los ia dise a lunlotra, "Veni, ta ce nos fabrica brices e forni los". Los ia usa brices en loca de petra, e catran per mortero.
"Veni, ta ce nos construi un site con un tore con sua testa en la sielo, afin nos pote crea un nom per nos mesma, e no ta es sperdeda tra la fas de la tera."
Ma la Dio ia desende per vide la site e la tore cual la popla ia es construinte.
La Dio ia dise, "Vide! Los es un popla, parlante la mesma lingua, e los ia comensa fa esta. Alora no cosa cual los intende ta es impedida!
"Veni, ta ce nos desende e confusa sua lingua afin los no va pote comprende lunlotra."
Alora la Dio ia sperde los de ala tra la tera intera, e los ia sesa construi la site.
Esta es la razona per cual esta loca ia es nomeda Babel - car ala la Dio ia confusa la lingua de la mundo intera. De ala, la Dio ia sperde los tra la fas de la tera.