Trafica de persones
La trafica de persones es la comersia de umanas per la intendes de labor forsada, sclavia sesal, esplota sesal per profita, per la traficor o otras. Esta pote inclui furni un sposa en la contesto de un sposi forsada, o la estrae de organos o texedas, incluinte la usa de femes per produi enfantes.
Seguente la Organiza Internasional de Labora (OIL), labor forsada (un parte de trafica de persones) jenera un profita estimada de 140 bilion dolares american per anio a 2014. En 2012, la OIL ia estima ce 21 milion vitimes es trapida en sclavia moderne. De estas, 14.2 milion (68%) ia es esplotada per labor, 4.5 milion (22%) ia es esplotada sesal, e 2.2 milion (10%) es esplotada en labor forsada par la stato. La OIL ia reporta ce enfantes-laborores, membros de minorias, e migrores noperiodal risca la plu estrema formas de esplota. Statisticas mostra ce plu ca dui de la 215 milion laborores joven de la mundo es oservada como laborante en taxes perilosa, incluinte labora sesal forsada e mendica forsada. Minorias etnica e grupos multe marjinalida es estimada como laborante en alga de la taxes la plu esplotante e danante, como la tana de cuoro, mina, e labora en escaverias de petra.
La trafica de persones es crededa como un de la ativias cresente la plu rapida de organizas criminal internasional. Lo es condenada como un viole de la diretos umana par conferes e acordas internasional como la Uni European. La Nasiones Unida ave un acorda internasional su la Conveni contra transnasional crimin organizada, cual ia comensa en 25 desembre 2003, cual inclui la Protocol sur trafica, cual ave 178 acordores. Lo defina trafica como:
...la enscrive, transporta, transfere, controla, o reseta de persones, par menasa o usa de forsa o otra modos, de saisi, de froda, de engana, de la abusa de potia o de un loca de atacablia, o de la dona o reseta de paia o benefias per ateni la consenta de un person con controla de un otra person, per la intende de esplota. Esplota ta inclui, a minima, la esplota de la prostitui de otras o otra formas de esplota sesal, labora o servi forsada, sclavia o praticas simil a sclavia, servinte, o la estra, manipula, o implanta de organos.