Travua
Un travua (franses canadian, de franses travail) es un strutur usada par alga poplas, notable la americanes orijinal de la planos de America Norde, per tira cargas sur tera. On ave indicas ce travuas ia es usada en otra partes de la mundo ante la inventa de rotas. Lo ia es ance usada par la coureurs des bois ("corores de la bosces") en la comersia de pelos con la tribus de la planos de Frans Nova.
La construi es composada de un plataforma o rede juntada a du palos longa, liada en la forma de un triangulo isosele longida; la strutur ia es tirada con la fini puntida a ante. A veses, la otra fini de la strutur ia es stablida par un palo tre, liada traversante la du palos. La travua ia es tirada par mano, a veses cabeda con un arnes de spalas per tira plu efetosa, o tirada par canes o cavalos. Lo pote es cargada par pila benes supra la strutur nuda e lia los a la palos, o par estende prima stofa o cuoro sur la strutur per conteni la carga. Lo es posible ce un person transporta cargas multe plu pesosa can el pote porta sur sua dorso. An si videda como plu primitiva ca formas de transporta con rotas, sur la tipo de tereno do la travua ia es usada (la basa de forestas, solo mol, neva, etc), en loca de ruas, rotas ta encontra difisiles cual ta causa ce rotas es min efetosa.
Travua de can
edita
La travua de can es composada de du palos de poplo, indenteda e liada con lunlotra a un fini con tendon de bison; la otre finis ia resta, estende de lunlotra. Baras traversante es liada entre la palos prosima a la fini estendeda, e la strutur completa pare como un letera A grande, con plu baras traversante. A la punto de la A, envolveda en pel de bison per preveni lesiones de arde par frica, reposa sur la spalas de la can, en cuando la finis estendeda es tirada sur la solo... La femes de la nasiones prima ia construi a travuas e manaje la canes, a veses usante travuas miniatur per instrui la canetas. La carga de travuas ia inclui tipal carne de bison e lenio per focos.[1]
Travua de cavalo
editaPer la sentenio 18 media, la travua de can ia es reponeda par la travua de cavalo, cual permete la crese jeneral de benes e la construis de tipis plu grande. La travuas pote es construida en o la forma A o un forma H.
Pos cuando cavalos ia es introduida a America Norde, multe americanes orijinal de la planos ia comensa construi travuas plu grande per ira par sua cavalos. Lo comun usada du palos de la tipi sur la dorso de la cavalo e ia lia un plataforma de carga entre la palos pos la cavalo. Esta ia servi du intendes simultan, car la cavalos pote alora tira simultan la palos de la tipi e alga cargas plu. Cavalos, clar, pote tira carga multe plu pesosa ca la canes. Enfantes comun monta la dorso de la travua.[2]
Otra usas per la travua
editaLa travua ia servi la americanes orijinal en multe modos injeniosa. Ante la usa de cavalos, la femes de la tribus pede-negra ia construi un serca curvada de travuas de can liada con lunlotra per teni animales forsada asta la xasores pote mata los. Cuando la femes ia construi un tipi, los pone un travua de cavalo contra la palo de la tipi, e ia usa lo como un scala afin los pote lia la du lados alta de la covre con spinos de lenio. Un travua apoiada contra un ramo de un arbor pote funsiona como un scafal simple de funera per un bebe mor.
Tracas de travuas
editaCual nos conose aora como la "Rua de Travuas de Lewis e Clark" e la "Colo de Lewis e Clark" en Montana, ia es areas do la travus ia es tirada tra la tracas, cual ia causa marcas profonda e paralel ancora vidable oji. Restas de tracas de travuas pote ance es videda a la Knife River Indian Villages National Historic Site.