Troia (en elinica: Τροία o Τροίας) es un site en Anatolia do la gera de Troia ia aveni.

Parte de la murones de Troia (7).

La familia real troian ia es fundida par Eletra e Zeus, padres de Dardano, ci ia crusa asta Anatolia de Samotracia, do ia conose a Teucro. Dardano ia sposi Batiea, fia de Teucro e ia fundi Dardania, a pos governada par Eneas. Pos la mori de Dardano, la rena pasa a se neta Tros. Zeus ia fura sua fio Ganimede, par causa de sua belia. Ilo, otra fio de Tros, ia fundi Ilion e demanda a Zeus un sinia. El ia trova un sculta conoseda como Paladio. Un oraculo ia dise ce si la Paladio ia permane en la site, lo ta es nonconcistable. Pos Ilo ia construi la templo de Atenea en sua site, en la mesma loca do ia cade.

Troia homeral edita

La istoristes elinica antica ia situa la Gera de Troia en la sentenio 12, 13 o 14 aec. Eratostene ia dise ce lo ia aveni en 1184 aec; Herodoto ia dise ce en 1250 aec e Duri de Samos en 1334 aec. La arceolojistes moderna lia la Troia de Homero a la Troia 7 arceolojial.

En la Iliada, la aceanes ia construi sua campa prosima a la nase de la Rio Scamandro, do los ia ariva con sua barcos. La site de Troia ia es sur un colina, pasante la Rio Scamandro, do las batalias de la Gera de Troia ia aveni. La loca de la site antica es 5 cilometres de la costa oji, ma 3000 anios aa la nase de la Scamandro ia es plu prosima a la site, descargante en un baia grande cual ia forma un porto natural, cual ia es plenida materia aluvial. Descovres jeolojial resente ia permete identifia la linia de costa troian antica, e la resultas confirma la esatia de la jeografia homeral de Troia.