Tuareg (acc tamasheq, tamajaq, o tamahaq) es un lingua o familia de linguas prosima relatada de la linguas berber. Lo es parlada par la berberes tuareg en partes grande de Mali, Nijer, Jazair, Libia, e Burcina Faso. Tuareg es multe conservante en alga respetas, e ave un cuantia de parolas arabi prestada ca otra linguas berber. La linguas es tradisional scriveda en la alfabeta tifinagh nativa. Ma la scrive arabi es usada en alga areas, e la scrive latina es ofisial en Mali e Nijer.

La areas en cual la linguas tuareg es parlada

Usas temprana de la scrive tifinagh ia es trovada como arte sur rocas e en tombas variosa. Entre los es la tomba monumental de 1500 anios, de la madron tuarag Tin Hinan. Tifinagh es xef restrinjeda aora per scrive formulas majial, scrive sur palmas cuando silentia es nesesada, e en la scrive de leteras. La scrive arabi es usada par tribus ci es plu envolveda en instrui muslim.

FonolojiaEdita

La sistem de vocales inclui sinco vocales longa /a, e, i, o, u/, e varias "forte" de /e, o/, e du vocales corta /ə, ă/.

Consonantes:

Labial Alveolal Palatal Velal Uvulal Farinjeal Glotal
simple forte
Nasal m n ŋ
Esplodente b t d tˤ dˤ ɟ k ɡ q (ʔ)
Fricante f s z (sˤ) zˤ ʃ ʒ x ɣ (ħ ʕ) h
Ladal l (lˤ)

ClasiEdita

  • Norde
    • Tamahaq – parlada en Jazair, Libia ueste, e Nijer norde par sirca 77,000 persones
  • Sude
    • Tamasheq – parlada en Mali par sirca 500,000 persones
    • Air Tamajaq – parlada en Nijer par sirca 250,000 persones
    • Tawellemet – parlada en Mali e Nijer par sirca 800,000 persones

GramaticaEdita

La ordina de parolas en Tuareg is verbo-sujeto-ojeto. Verbos pote es grupida en 19 clases morfolojial; alga de estas pote es definada par semantica. Verbos porta informa sur la sujeto de la frase en la forma de marcas pronomin. No ajetivos simple esiste: consetas ajetival es espresada par usa un forma relativa de la verbo cual ia es tradisional nomida "partisipio".

SintaticaEdita

Tuareg prefere la ordina de parolas VSO (verbo-sujeto-ojeto). Ma lo conteni ance un strutur de tema-comenta, cual permete ce la conseta asentuada es poneda a la comensa, si lo es la sujeto o la ojeto. La asentua de la ojeto dona la idea de un frase pasiva.

  • meddăn wăr sekediwăn ăsink - SVO 'Omes no coce gaxa'
  • wăr sekediwăn meddăn ăsink - VSO 'no coce, omes, gaxa'
  • ăsinkwăr ti-sekediwăn meddăn - ‘Gaxa, omes no coce lo’
  • wădde meddăn a isakădawăn ăsink - ‘Lo no es omes ci coce gaxa’
  • meddăn a wăren isekediw ăsink - ‘Omes no es los ci coce gaxa’

Como en nion, la pronom/particula a es usada con un proposa relativa seguente per trae un nom en la espresa a la comensa per asentua lo. Esta metodo pote ance es usada per asenta an ojetos de preposadas.

  • essensăɣ enăle - ‘Me ia compra milio’
  • enăle a essensăɣ - ‘Lo ia es milio cual me ia compra’

MorfolojiaEdita

Como un lingua de radis-e-model, radises de tre consonantes es la plu comun. Esta esemplos usa la radis k-t-b (scrive) per mostra la pasada con la aspeta de completa:

Conjuga de k-t-b 'scrive'
Person Singular Plural
1 ektabaɣ ‘me ia scrive’ nektab ‘nos ia scrive’
2 mas tektabad ‘Tu ia scrive’ tektabam ‘Vos ia scrive’
fema tektabmat ‘Vos ia scrive’
3 mas iktab ‘el ia scrive’ ektaban ‘los ia scrive’
fema tektab ‘el ia scrive’ ektabnat ‘los ia scrive’
Person
singular 1 ...-ăɣ
2 t-...-ăd
3 mas y-...
fema t-...
Partisipio
(pd el ci..., lo cual...)
mas y-...-ăn
fema t-...-ăt
plural 1 n-...
2 mas t-...-ăm
fema t-...-măt
3 mas ...-ăn
fema ...-năt
partisipio
(pd, los ci/cual...)
...-nen

Verbos en tuareg mostra ance cuatro aspetas:

  1. Perfetiva: atas completa
  2. Stativa: states durante, la resultas de un ata completa
  3. Nonperfetiva: futur o atas posible, tipal usada seguente un verbo de emosia, deside, o pensa, lo pote es marcada con "ad" (cortida a "a" con preposadas), en un modo simil a lo en lfn.
  4. Cursiva: atas continuante, comun abitual