Txibtxa

Txibtxa es un lingua estinguida de Colombia, parlada par la popla muisca, un de la cuatro sivilias nativa sofisticada de la Americas. La muisca ia abitada la montanias sentral (Altiplano Cundiboyacense) de cual es aora la nasion de colombia.

La nom e la lingua es vera Muysc Cubun, cual ave la sinifia "lingua de la popla/omes", de mysca (popla o omes) e cubun (lingua o parola).

La sola scola publica en Colombia cual instrui studentes en Txibtxa (a sirca 150 enfantes) es en la vila de Cota, sirca 30 km par rua de Bogota. La scola es nomida Jizcamox (sani par la manos) en txibtxa.

Fonolojia

Fonem	Letera
/i/	i
/ɨ/	y
/u/	u
/e/	e
/o/	o
/a/	a
/p/	p
/t/	t
/k/	k
/b~β/	b
/g~ɣ/	g
/Φ/	f
/s/	s
/ʂ/	ch
/h/	h
/tʂ/	zh
/m/	m
/n/	n
/w/	w
/j/	ï

Cuando alga consonantes presede i, los deveni palatalida; cuando algas presede y, los deveni labialida. La efeto es como on segue la consonante par /j/ o par /w/, en esta ordina.

Si on prefis fini con un vocal es segueda par un parola comensante con un vocal, la vocales fusa, tipal deveninte un vocal entre la du en pronunsia. Per esemplo, a-ita deveni eta.

Gramatica

Nomes

Nomes en txibtxa no ave jeneros o plurales, tipal depende de contesto o la ambiente per distinguis. To, per esemplo, pote sinifia "can mas", "canes mas", can fema", o "canes fema". La muisca usa la numeros e la parolas per om e fem: cha, e fuhucha. Per esemplo:

• to cha ata - "un can mas" (leteral "can mas un")
• to cha mika - "tre canes mas" (leteral "can mas tre")
• to fuhuchá myhyká - "cuatro canes fema" (leteral "can fema cuatro")

Pronomes personal

Txibtxa	Fonetica	Elefen
hycha	/hɨʂa/	me
mue	/mue/	tu
as(y)	/asɨ/ o /as/	el, lo, los
chie	/ʂie/	nos
mie	/mie/	vos

Determinantes de posese

La determinante de posese es poneda ante la parola a cual lo refere.

Txibtxa	Elefen
zh(y)- / i-	mea
(u)m-	tua
a-	sua
chi-	nosa
mi-	vosa

Verbs

La muisca usa du tipos de verbos, fininte con -skua e -suka; bkyskua ("fa"), guitysuka ("flajeli").

Txibtxa	Elefen
kyka	fa (infinitiva)

Presente o nonperfeta

Txibtxa	Elefen
ze bkyskua	me fa o me ia fa
um bkyskua	tu fa o tu ia fa
a bkyskua	el, lo, los fa o ia fa
chi bkyskua	nos fa o nos ia fa
mi bkyskua	vos fa o vos ia fa

Perfeta and Pluperfeta

Txibtxa	Elefen
ze bky	me fa o me fa ja

Futur

Txibtxa	Elefen
ze bkynga	me va fa

Comanda

Txibtxa	Elefen
kyû	fa (singular)
kyuua	fa (plural)

Volente

Txibtxa	Elefen
cha kyia	me ta fa
ma kyia	tu ta fa
kyia	el/lo/los ta fa
chi kyia	nos ta fa
mi kyia	vos ta fa

Numeros

Conta de un a des en txibtxa es ata, bozha, mika, myhyká, hyzhká, ta, kuhupkwá, suhuzhá, aka, hubchihiká. La muisca sola ave numeros un a des, plu la numero "perfeta", 20 - gueta. Gueta es usada comun en sua calendario lunisolal complicada. Per numeros plu ca des, los usa somas, como "des plu tre" per 13. Per numeros plu grande, los usa multiples de 20: 100 ta es "du-des par sinco".

Toponimes

La plu de nomes orijinal de la muisca de vilas, rios, parces, etc, ia es retenida o ajustada. Tipal, la nomes refere a cultiverias (ta), la diva de la luna (Chia), sua sposo (Sué), nomes de caciques ("xefes"), la tolografia de la rejion, construidas (ca), e animales de la rejion.