La Vasa es un barcon de gera de Sveria construida entre 1626 e 1628. La barcon ia sumerji pos naviga sola 1300 m en sua viaja comensante a 10 agosto 1628. Lo ia deveni iniorada pos la plu parte de sua canones bronze valuada ia es salvada en la sentenio 17, asta lo ia es locada denova en la desenio 1950 tarda en un via de barconi ativa apena estra la porton de Stockholm. La barcon ia es salvada con sua casco per la plu parte intata en 1961. Lo es aora esibida en la Museo Vasa en Stockholm. La barcon es un de la atraes per turistes la plu popular. De sua recovre, Vasa ia deveni un simbol multe reconoseda de la "periodo de potia grande" de Sveria.

La nivel alta de la Vasa
Un model colorida de la popa de la Vasa

La barcon ia es construida a la comanda de la re de Sveria, Gustavus Adolphus, como un parte de un estende militar el ia comensa en un gera con Polsca-Lietuva (1621–1629). Lo ia es construida a la compleso marina su un contrata con emprendor privata en 1626 e 1628, e xef armada con canones bronze moldida en Stockholm spesial per la barcon. Decorada rica como un simbol de la aspiras de la re per Sveria e se mesma, cuando completida lo ia es un de la barcones armada la plu potiosa en la mundo. Ma la Vasa ia es nonstable perilosa, con tro multe pesa en la strutur superior de la casco. An con esta nonstablia, lo ia es comandada a mar e ia sumerjida sola alga minutos pos encontra un venta forte.

La comanda per comensa sua viaja ia es la resulta de un combina de fatores. La re, ci ia es gidante la armada en Polsca a la tempo de la comensa de la viaja, ia es nonpasiente per vide lo prende sua rol como la barcon de bandera de la scuadron a Alvsnabben en a arcipelago de Stockholm. A la mesma tempo, la suordinadas de la re no ia ave la coraje political per discute abrida la problemes de la barcon o per pospone la comensa de la viaja. Un investiga ia es organizada par la Consilio Informada per trova ci ia es culpable per la desastre, ma ultima nun ia es punida.

En la salva de 1961, miles de fabricadas e la restas de a min 15 persones ia es trovada en e sirca la casco de la Vasa per arceolojistes maral. Entre la multe cosas trovada ia es vestes, armas, canones, utiles, monetas, utiles de come, comedas, bevidas, e ses de la des velas. La fabricadas e la barcon mesma ia furni studiantes con comprende valuada de la detalias de gera marinal, tecnicas de la fabrica de barcones, e vive dial en Sveria en la sentenio 17 temprana.