Verbos engles

Verbos coerente

infinitiva: (to) play (jua)

jerundio: playing (la jua)

partisipio presente/ativa: playing (juante)

partisipio pasada/pasiva: played (juada)

	presente	pasada	perfeta	futur	dependente
fundal	play/plays	played	has/have played	will play	would play
continuante	am/is/are playing	was/were playing	had/have been playing	will be playing	would be playing
pasiva	am/is/are played	was/were played	has/have been played	will be played	would be played
negas	don't/doesn't play	didn't play	hasn't/haven't played	won't play	wouldn't play
demandas	do/does S play?	did S play?	has/have S played?	will S play?	would S play?

En elefen:

• presente: jua
• pasada; ia jua
• perfeta: ia jua ja
• futur: va jua
• dependente: ta jua
• continuante (presente): es juante
• pasiva (presente): es juada
• negas (presente): no jua
• demandas (presente): esce S jua?

	pasada perfeta	future perfeta	dependente perfeta
fundal	had played	will have played	would have played
continuante	had been playing	will have been playing	would have been playing
pasiva	had been played	will have been played	would have been played
negas	hadn't played	won't have played	wouldn't have played
demandas	had S played?	will S have played?	would S have played?

Otra combinas esiste ance, pe:

• was being played
• won't S be playing?
• does play
• etc.

Nota ce la verbos modal aveni en esta ordina (cuando usada):

• will / would
• has / have / had
• am / is / are / was / were / been

En negas:

• -n't segue la verbo modal (nota noncoerentes: don't, won't)

En demandas:

• la verbo prima presede la sujeto.

Otra verbos pote ance ata como verbos modal, e pote prende la loca de "will" e "would":

• can (pote, ave la capas)
• could (ta pote)
• may (pote, con permete)
• might (ta pote)
• shall (va)
• should (ta debe)
• must (debe)
• ought (ta debe)

Verbos noncoerente

La copula ave la plu noncoerentes:

• infinitiva: be
• partisipio pasada: been
• presente: I am - he/she/it is - we/you/they are
• pasada: I/he/she/it was - we/you/they were

La plu de verbos ajunta -s per la person tre de la presente. Ma du verbos es esetas:

• do - does
• have - has

Multe verbos ave un forma pasada noncoerente, e multe de esta verbos ave un partisipio pasada ance noncoerente. La plu de los deriva de la verbos "forte" de la linguas germanica, cual ave un cambia de vocales nomida la ablaut.

Vide un lista de verbos noncoerente en engles.

Alga de esta verbos ave du formas. Per esemplo:

• sell - sold (pasada e partisipio pasada)

Otras ave tre formas. Per esemplo:

• sing - sang (pasada) - sung (partisipio pasada)

Alga ave un pasada noncoerente, ma ajunta -en a lo per crea la partisipio pasada:

• bite - bit - bitten

La verbos modal ave sola du formas - per la presente e la pasada - e no usa -s per la person tre de la presente. Du ave sola un forma - la presente:

• can – could
• may – might
• shall – should
• will – would
• must
• ought