Abri la menu xef
Vishnu e sua avatares

Vishnu (sanscrito: विष्णु) es un de la dios xef de induisme. El es la "conservor" en la trinia indu (trimurti) cual inclui Brahma e Shiva. En la tradision de Vaishnavisme, el es la esente ultima, identical a Brahman, ci usa avatares como "la protejor" cuando la mundo es menasada par malia, caos, o fortias destruinte.

En depintas indu, Vishnu es tipal depintada con un pel blu e cuatro brasos. El teni un padma ("nelumbo") en sua mano basa sinistra, un rompetesta en sua mana basa destra, un conca en sua mano alta sinistra, e un chakra ("disco") en sua mano alta destra. Un depinta tradisional es Vishnu reposante sur la enrola de la serpente Shesha, acompaniada par sua sposa Lakshmi, en cuando el "sonia la universo e realia".

Vishnu viaja sur la dorso de Garuda, un agila enorme. Garuda es un avia santa en Viashnavisme. En un nara, la Garuda Purana, Garuda transporta Vishnu per salva la elefante Gajendra.

Sua avatares inclui Rama e Krishna. Rama es la sujeto de la Ramayana e la Ram Charit Manas. Krishna es la sujeto de la Mahabharata, la Krishna Charit Manas, e la Bhagavad Gita. Alga indus vide Buddha como un avatar de Krishna.