Artrite

Artrite sinifia cualce maladia cual afeta juntas. Sintomes inclui dole e rijidia de la juntas, plu roji, caldi, infla, e moves restrinjeda de la juntas. En alga tipos, otra organos es ance afetada. Comensa pote es gradal o subita.

Un mano afetada par artrite reumatoide

On ave supra sento tipos de artite. La formas la plu comun es osteoartrite (o maladia de juntas dejenerante) e artrite reumatoide. Osteoartrite aveni tipal con vea e afeta la ditos, jenos, e ancas. Artrite reumatoide es un maladia autoimune cual afeta comun la manos e pedes. Otra tipos de artrite reumatoide inclui gota, lupus, fibromialjia, e artrite sepsica.

Trata pote inclui reposa la junta e alterna entre aplica de jelo e calde. Redui de pesosia e eserse fisical pote ance es usosa. Medisines per dole como ibuprofen e parasetamol (asetaminofen) pote es usada. En alga casos, recambia de la junta pote es usosa.

Osteoartrite afeta plu ca 3.8% de la popla, e artrite reumatoide afeta sirca 0,24%. Gota afeta sirca 1-2% de la popla ueste a alga parte de sua vives. En Australia, sirca 15% es afetada par artrite, e en la SUA, plu ca 20%. La maladia deveni jeneral plu comun con vea. Artrite es un razona comun per asentia de labora, e pote resulta en un cualia reduida de vive.

La parola es derivada de elinica arthr- ("junta") e -itis ("inflama").