Abri la menu xef

La ateisme es la manca de crede de un dio o dios. On trova lo en Elas e India antica, incluinte la filosofistes Democrito e Epicuro (la atomisme) e Adjita Cesacambalin (la scola de Txarvaca).

La ateisme ia esperia un renase en la sentenios 18 e 19 con la crese de siensa, e un crese plu grande en la sentenio 20 con la revoluis comuniste.

Si nos ta regarda la ateisme como un relijio, lo ta es la relijio numero tre o cuatro par cuantia de popla, entre islam e induisme, o entre induisme e budisme. (La cristianisme es la plu grande.) La cuantia esata de ateistes no es fasil descovrable, car ateistes no parteni normal a organizas como eglesas. Lojical, ateisme no es un relijio.

La razona la plu vea per no crede a Dio es esta de Epicuro, fundida en la defini de Dio como intera bon e intera potiosa:

  • Esce Dio vole preveni la mal, ma no pote? Donce el no es intera potiosa.
  • Esce el pote, ma no vole? Donce el es malvolente.
  • Esce el pote e vole? Donce de do veni la malia?
  • Esce el no pote e no vole? Donce perce nos nomi el Dio?