Cristianisme

Cristianisme
Informa
Tipo
Fundor	Jesus Cristo
Gidor
Dio	Dio
Libro santa	Biblia
Nom de la seguores	Cristianes
Cuantia de seguores	2.4 biliones

Cristianisme es la crede fundida en la vive e instruis de Jesus (o Iexua) Cristo, ci ia vive en la Impero Roman. La testo prima de cristianisme es la Biblia. La Biblia ave du partes, la Atesta Vea (cual es la mesma como la Biblia Iudiste) e la Atesta Nova (cual descrive la vive de Cristo e sua seguores). Cristianisme es la relijio la plu grande en la mundo.

La Biblia es la libro santa de cristianisme, ma ofisial la ortodoxes e la catolicas ave plu libros en la Atesta Vea ca la Atesta Nova. Esta libros, nomida Judita, Tobias, I e II Macabes, Sajia, Sirac e Baruc, e an alga partes en Daniel e Ester, es ofisial per la partes ortodox e catolica, ma es nonofisial per la protestantes. Esta libros es nomida la "libros ducanonal" o la apocrifas, cual ave otra libros nonconoseda.

Ramos

Nos pote divide la cristianisme en tre ramos: La Catolices, la Ortodoxes, e la Protestantes.

• Catolicisme es la grupo la plu grande de cristianisme. La credes catolica es fundida en acorda con la strofe de San Mateo 16:18-19. La pape Benedito 16 es la pastor major, e la catolicisme es suposable poneda de Cristo.
• Ortodoxisme es un grupo grande de cristianisme. La credes ortodoxa es cuasi la mesma como la catolica, ma los ia divide se pos un desacorda de ave un papa. La plu de grupos ortodoxa es este.
• Protestantisme es la grupo du la plu grande de cristianisme. La credes protestante ia veni de la protestores como Martin Luther, Joan Calvin e Huldrych Zwingli. Lo es aora un parte major en estende la relijio en la mundo, e es encargada per la grupos diversa su sua nom. Lo inclui la grupos Luteranisme, Calvinisme. Pentecostisme, Anglicanisme, Avenisme de la dia sete, Evangelisme e plu.
• Grupos nonserta: Esta grupos no segue la cristianisme costumal, ma los considera se como cristianes. Vide la Mormonisme, Siensa cristian o la Atestores de Iaue.

Nosa padre es la prea costumal de cristianisme, e lo es trovada en la Atesta Nova.

Istoria e ramos de cristianisme

							Protestantisme		Europa Ueste, America Norde
La Reforma sen.16
						Anglicanisme			England e sua colonias pasada
			Catolicisme					(ueste)	Europa sude, America sude
					Uni de Catolicisme
cristianisme vea			La Rompe Grande sen.11					(este)	Europa este, Asia ueste
431		451
			Ortodoxisme Este						Europa este, Asia norde
		Ortodoxisme Oriental, Coptisme							Egipte
	Nestorisme								Suria, Irac, Iran