Bahamas

Bahamas

Imno: March On, Bahamaland

La Bahamas es un pais en la Mar Caribe. Lo es formida par plu ca 700 isolas a norde de Cuba e Ispaniola, norde-ueste de Turcs e Caicos e sude-este de Florida. La area es sirca 470 000 cilometres cuadrida e laa cuantia de abitores, en la anio 2007, ia es sirca 305 655 persones. La capital es Nassau.

Etimolojia

La nom Bahamas veni de la taino ba ha ma ("tera media alta grande"), cual ia es la nom per la rejion usada par la nativas american, o de la espaniol nbaja mar (marea basa) refletante la acuas nonprofonda de la area. Lo pote veni de Guanahani, un nom local de sinifia nonclar.

Politica

Bahamas es un monarcia constitual parlamental gidada par la Rea Elizabeth 2 como Rea de Bahamas. La tradisiones legal e political segue aceles de Rena Unida e la sistem Westminster. Bahamas es membro de la Comunia de Nasiones como un rena de la Comunia, reteninte la Rea como xef de stato (representada par la governor jeneral).

Linguas

La lingua ofisial de Bahamas es engles, ma los ance parla un creol, la creol bahaman. Lo es basida en la asentuas de England ueste miscada con la dialetos eres de engles e con influe de linguas african ueste.

Relijio

La majoria de la abitores es protestante (70%) con la batistes representantes un 35%, anglicanes en 15%, pentecostales un 8%, la Eglesa de Dio (5%) e adventistes de la dia sete (5%) e metodistes(4%). La comunia catolica es un 14%. Otra relijios como iudis, muslimes, bahais, indus e rastafaris ance es presente en la pais.

Distritos

Distritos de Bahamas.

Bahamas es divideda en 32 distritos e la site de New Providence.

La distritos es:

Acklins Berry Islands Bimini Black Point, Exuma Cat Island Central Abaco Central Andros Central Eleuthera City of Freeport, Grand Bahama Crooked Island East Grand Bahama Exuma Grand Cay, Abaco Harbour Island, Eleuthera Hope Town, Abaco Inagua Long Island

Mangrove Cay, Andros Mayaguana Moore's Island, Abaco North Abaco North Andros North Eleuthera Ragged Island Rum Cay San Salvador South Abaco South Andros South Eleuthera Spanish Wells, Eleuthera West Grand Bahama Green Turtle Cay (no es mostrada en la mapa)