Abri la menu xef
Beowulf
Beowulf
Beowulf Cotton MS Vitellius A XV f. 132r.jpg
Autor: Anonim
Pais: England
Lingua: Engles antica

Beowulf es un epica de 3182 strofes scriveda en engles antica. Lo ia es scriveda entre la sentenios 8 e 11. La autor ia es un poesiste anglosason anonim, a cual la eruditas refere como la "poesiste de Beowulf".

La poesia es locada en Scandinavia. Beowulf, un eroe de la gautas, vade per aida Hrothgar, la re de la dansces.

Fondo istorialEdita

La avenis en la poesia ia aveni en la sentenio 6, a pos la anglosasones ia comensa sua viaja a England e ante la comensa de la sentenio 7, cuando la anglosasones ia no ariva o ia es ancora en contata con sua relatadas germanica en Deutxland norde. Lo ia es sujestada ce Beowulf ia es prima composada en la sentenio 7 en Rendlesham en Anglia este, como la entera en barco de Sutton Hoo ance mostra lias con Scandinavia, e ance con la dinastia real de Anglia este, la Wiffingas. Otras ia asosia esta poesia con la re Alfredo la Grande o con la corte de la re Cnut la Grande.

La poesia trata de lejendas, ia es composada per diverti, e ia no separa avenis istorial e fantasial, como la ataca de la re Higelac a Frisia. An si Beowulf no es refereda en otra manoscrito anglosason, la eruditas acorda ce otra carateres de Beowulf apare en fontes scandinavian. Esta no sola conserna persones (pd Healfdene, Hroðgar, Halga, Hroðulf, Eadgils e Ohthere), ma ance clanes (pd Scyldings, Scylfings e Wulfings) e alga avenis (pd la batalia sur la Glasa de la Lago Vänern). La dati de la avenis en la poesia ia es confirmada par escavas arceolojial de la colinetas indicada par Snorri Sturluson e par la tradision svensce como la tombas de Ohthere (datida s 530) e sua fio Eadgils (datida s 575) en Uppland, Sveria.

BibliografiaEdita

  • Orchand, Andy (2003) A Critical Companion to Beowulf
  • Beowulf and Other Stories