Bolsa

Un bolsa es un saco no grande, tipal de femes, per porta mone, macia, medisin, un telefoneta, o otra cosas personal.

Bolsas es fabricada de multe materias diferente. La plu comun es cuoro, ma los es ance fabricada de stofa, brocada, rafia, e an metal e plastica. Bolsas tipal ave un banda o manico, cual permete ce on porta lo de la spala o de la mano. Un varia peti no ave estas, ma es tenida en la mano e suspendeda par un peti banda de la polso. A veses, bolsas es pendeda de la sintur, en un imita de la portamones de la eda medieval.

La bolsa moderna ia comensa en England en la Revolui Industrial, en parte como un responde a la crese de viaja par ferovia. Femes de la eda (spesial los de la clases alta) ia desira alga cosa plu grande ca un portamone per porta "la nesesadas", como mone, serta, ma ance teletas, telas de testa, e xarpes, macia, medisin, oculos etc. Ancora oji, femes porte ance alga cosas per sua sposos e enfantes. Omes, a la otra lado, usa la poxes spasiosa de sua vestes. En la sentenio 20 tarda, omes ia comensa usa bolsas ance, an si los tende pare plu como portafolios o bolsones, an si plu peti ca los, e plu comun con un banda per pende los de la spala. Comun, robas e faldas no ave poxes, e ancora la pantalones cual femes porta de la desenio de 1950 no ave poxes o ave poxes tro peti per usa.

• 
  un bolsa "Chatelaine" de 1875
• 
  un bolsa per un enfante odjibua
• 
  un bolsa de Tanner Krolle
• 
  un bolsa de Longchamp
• 
  un bolsa de mano, de la pel de serpente
• 
  Rea Elizabeth con sua bolsa de Launer London