Bove

Boves es la tipo la plu comun de ungulatos grande domada. Los es comun elevada en eleverias, per carne, per lete, e per cuoro. Lo es ance usada como animales per monta o per trae caros, vagones, o arados o otra aparatos per cultiva. Un otra produi de boves es feces, cual pote es usada como sterco o combustable. En alga rejiones, per esemplo partes de India, boves ave un sinifia relijio. E a veses, los es animales amada.

Un bove domada en Suiz

Sirca 10,500 anios a ante, boves ia es domada de tan poca como 80 antesedentes en Turcia sude-este. Seguente un estima de 2011, on ave aora 1.4 bilion boves en la mundo. En 2009, boves ia deveni un de la animales domada prima cual ave sua jenom mapada. Algas opina ce boves ia es la forma la plu vea de ricia, e la fura de boves un de la formas la plu temprana de furi.