Jenom

En la campos de biolojia moleculal e jenetica, un jenom es tota la informa jenetical de un organisme. Lo es composada de la segues de nucleotidos de ADN (o ARN en viruses de ARN). La jenom nucleal inclui jenes codinte protenas e jenes noncodinte, otra rejiones funsional de la jenom como segues regulante (vide ADN noncodinte), e frecuente un parte sustantial de ADN sin funsiona evidente. Cuasi tota eucariotas ave mitocondrios e un jenom mitocondrial peti. Alges e plantas conteni ance cloroplastos con un jenom de cloroplasto.