Cafe
Cafe (de turces kahve, de arabi qahwa "bevida stimulante")[1] es un bevida calda con cafina, preparada par rosta e molini favas de cafe. La grado de rosta e molini varia par modo de prepara. Cafe conteni la vitamina niasina.
Favas de cafe veni de la frutas de plantas diversa en la familia Rubiaceae. La du spesies la plu importante de la planta es Coffea arabica e Coffea canephora, de cual ambos ave multe varias. Cada tipo de planta ave cualias diferente. Jeneral, on dise ce cafe arabi es plu bon, ma vera la spesies de fava ave carateres diferente e custas diferente.
Oji, cafe es plantada en plu ca 50 paises tra la mondo.
Istoria edita
Probable Itiopia es la pais orijinal de cafe. On refere ala a cafe ja en la sentenio nove. De Itiopia cafe ia veni a Arabia probable en la sentenio des-cuatro par comersia con sclavos.
La cultiva e comersia de cafe dona un monopolio a Arabia. La site sentral de comersia ia es la porto de Mocca – oji Al Muhka en Iaman.
La modo de prepara cafe itopian es la modo orijinal: on rosta la favas en un padela de fero, molini los, coce los con acua e zucar, e servi los en boles peti.
Cafe ia deveni plu popular con la crese de la Impero Turces.
La boteca prima de cafe ia es en Persia.
Referes edita
- ↑ Esat Ayyıldız. “Kahve Sözcüğünün Etimolojisi ve Arap Literatüründeki Yansımaları”. International Anatolian Conference on Coffee & Cocoa: Full Text Book. ed. Sinem Karakundakoglu. Malatya: IKSAD Global Publishing House, 2021. p.61-68.