Iaman
| الجمهورية اليمنية Al-Jumhūriyyah al-Yamaniyyah Republica de Iaman | |||
|
| ||
.svg)
| |||
| Informa jeneral | |||
| Capital: | Sana | ||
| Lingua ofisial: | Arabi | ||
| Dirije | |||
| Governa: | Sistem presidental | ||
| - Xef de stato: | Presidente Abd al-Rab Mansur al-Hadi | ||
| - Xef de governa: | Ministro Prima Ali Abdullah Saleh | ||
| Otras | |||
| Area: | 555.000 km² | ||
| Popla: | 23.580.000 | ||
| Densia: | 44.7 | ||
| PIB: | $58,218 biliones (2009) | ||
| Mone: | rial iamani | ||
| Zona de ora: | +3 | ||
| Numero de telefon: | 967 | ||
| Interede: | .ye | ||
| |||
La Republica de Iaman (arabi: الجمهورية اليمنية), conoseda como Iaman (arabi: اليَمَن), es un pais en Asia sude-ueste.
Sua area es sirca 527 970 cilometres cuadrida e lo ia ave sirca 22 230 531 abitores en la anio 2007. La site capital es Sana. Sua tera inclui 200 isolas: la plu grande es Suqutra. Lo es la sola stato de la Penisola Arabi cual ave un sistem pur republican (ma no en la pratica).
En febrero e marto 2011, la revolta iamani de 2011 ia comensa contra la governa, e la scaramuxas con la polisia ia intensi.
Etimolojia
editaIaman sinifia "La Sude". Un etimolojia deriva "Iaman" de iamin ("la lado destra") car la sude es a destra cuando on fasa la leva de sol; ma esta etimolojia es suspetada. Otras deriva "Iaman" de iumn sinifiante "felisia" car la area es fertil: la romanes ia nomi lo Arabia Felix (Arabia felis).
Istoria
editaIaman ia es sempre un crus de vias, e lo ia uni alga de la sentros de sivilia la plu vea en Asia sude-ueste par sua loca en Arabia sude.
Entre la sentenios 12 aec e 6 ec, lo ia es un parte de la renas de Saba, Main, Hadramawt, Qataban e Himyar, cual ia controla la comersia de spises e ia es su la governa etiopian e farsi a pos.
En la sentenio 7 la califas muslim ia comensa controla la area. Pos la rompe de la califa, Arabia Sude ia es controlada par multe dinastias.
La istoria moderna de Arabia Saudi e Iaman ia comensa en 1918 cuando Iaman ia gania autonomia de la Impero Osmanan.
La revolta iamani de 2011 ia segue la Revolui Tunisi.
Jeografia
editaIaman es en la Mundo Arabi, en la media sude de la Penisola Arabi, bordante la Mar Arabi, la Golfo de Adan e la Mar Roja.
Economia
editaIaman es un de la paises la plu povre de la Mundo Arabi. Sua economia es debil car lo ave no reservas de petrolio como otra paises arabi.
Governa
editaIaman es un republica presidental con un legeria bicameral. La presidente es la xef de stato, e la ministro prima es la xef de governa.
Relijio
editaRelijio en Iaman es composada de du grupos muslim xef: 52% de la abitores es sunis e 46% es xias.
Min ca 1% es de otra relijios como cristianisme, iudisme o induisme.
Linguas
editaLa lingua ofisial de Iaman es arabi ma arabi iamani es multe parolada. En la scolas on aprende engles, e Iaman ave un comunia grande de persones ci parla rusce.