Arabi (lingua)
| Arabi (عَرَبيْ) | |
|---|---|
| Parlada en: |  Txad Magrib.svg){kind=small} Muritania Tunisia Djibuti Jazair Comori Misre Ertra Libia Arabia Saudi Somalia Sudan Lubnan Barain Irac Israel Urdun Cuait,_Flag_of_Syria_(1980%E2%80%932024).svg){kind=small} Suria Amirias Arabi Unida Iaman Catar Filastin Uman
|
| Area: | Africa e Asia |
| Tota parlores: | 220 miliones |
| Ordina: | 13 |
| Familia: | Linguas semitica |
| State ofisial | |
| Lingua ofisial de: | Segun jeografia: Africa
|
| Regulada par: | |
| Sifras | |
| ISO 639-1 | ar |
| ISO 639-2 | ara |
| SIL | ara |
 | |
| Vide ance: Lingua – Lista de linguas | |
Arabi (الْعَرَبيّة al-ʿarabiyyah o عَرَبيْ ʿarabī) es la membro la plu grande vivente de la familia de linguas semita, con sirca 246 milion parlores (Ethnologue, 1999). Clasida como semita sentral, lo es prosima relatada a ivri e arami, e ave sua radises en un asendente comun protosemita.
On clasi arabi moderna como un macrolingua con 27 sulinguas en ISO 639-3. Esta varias es parlada tra la mundo arabi, e arabi normal es conoseda tra la mundo muslim. Arabi normal moderna desende de arabi clasica.
Pos la emerji de islam como un relijio dominante pos 622 ec, la lingua arabi es la plu vasta sperdeda de la linguas semita vivente. On ia trova la enscrive la plu temprana en arabi en la penisola arabi e ia dati lo a la parte prima de la sentenio 4 ec.
La dialetos comun diversa de arabi es interrelatada, ma varia notable entre parlores de partes diferente de Asia sude-ueste e entre parlores de sites, campanianes e nomadas. La sistem de sona arabi ave 28 consonantes, incluinte tota la sonas gargal semita cual on produi profonda en boca e garga.
Cada de la tre vocales en arabi normal ave un forma longa e un forma corta. Tota parolas es formida sur funda de un radis cual conteni usual tre consonantes.
La consonantes es juntada con modeles variosa de vocales per formi nomes e verbos simple, a cual on pote ajunta afisas per crea derivadas plu complicada. Pe: de la radis derese (studia), madrasat (scola), daris (studiante), dirasa (un studia). Nomes e ajetivos es min coerente en forma e ave multe modeles diversa de plurali.
La ordina normal de frase es verbo–sujeto–ojeto. La scrive arabi es fada de destra a sinistra e es fundida sur 18 simboles distinguida. Usante un combina de puntos supra e su oto de esta simboles, tota consonantes e la tre vocales longa pote es speleda en forma plen.