Djibuti
| Republica de Djibuti جمهورية جيبوتي Ŷumhūriyyat Ŷībūtī République de Djibouti | |||
|
| ||
.svg)
| |||
| Informa jeneral | |||
| Capital: | Djibuti | ||
| Lingua ofisial: | Franses e arabi | ||
| Dirije | |||
| Governa: | Republica semipresidental | ||
| - Xef de stato: | Ismail Omar Guelleh | ||
| - Xef de governa: | Abdoulkader Kamil Mohamed | ||
| Otras | |||
| Area: | 23 200 km² | ||
| Popla: | 876 174 | ||
| Densia: | 37,6 | ||
| PIB: | US$2.104 milion | ||
| Mone: | |||
| Zona de ora: | EAT (UTC + 3) | ||
| Numero de telefon: | +253 | ||
| Interede: | .dj | ||
| |||
Djibuti (en arabi: جيبوتي Jībūtī; en franses: Djibouti; en somali: Jabuuti; en afar: Gabuuti), nomida ofisial la Republica de Djibuti, es un pais en Africa. Lo borda Ertra a la norde, Itiopia a la ueste e sude, e Somalia a la sude-este. Lo ance borda la Mar Roja e la Golfo Aden a la este. La area de Djibuti es sirca 23 200 cilometres cuadrida.
En la eda antica, la teritorio ia es un parte de la pais de Punt, e a pos par Xeba, e a pos par Axum. Zeila (oji en Somalia), cual ia es prosima a lo, ia es la loca de sultanias medieval de Adal e Ifat. En la tarda de la sentenio 19, la colonia de Somalia Franses ia es fundida par tratas cual ia es suscriveda par la sultanes somali e afar con la franses. La ferovia de Somalia Franses a Dire Daua (e a pos a Addis Ababa) ia capasi lo sustitui per Zeila como la porto per Itiopia sude e Ogaden. A pos lo ia es renomida a la Teritorio Franses de la Afars e la Issas en 1967. A pos un desenio, la popla djibuti ia vota per autonomia. Esta ia marca ofisial la fundi de la Republica de Djibuti, cual ia es nomida per sua site capital. Djibuti ia junta se a la Nasiones Unida en la mesma anio, en 20 setembre 1977. En la temprana de la desenio de 1990, tensas sur representa governal ia comensa un desacorda con armas, cual ia fini en un acorda per la comparti de potia entre la partito governante e la oposa en 2000.
Djibuti es un nasion multietnical. La cuantia de abitores, en la anio 2007, ia es sirca 496 374 persones. En 2012 lo ia es sirca 830 000. La linguas ofisial es franses e arabi. Ance parlada es somali, afar e oromo, la lingua de Etiopia de sude cual es relatada con somali. Sirca 94% de la abitores es praticores de islam, cual es la relijio ofisial e ia es dominante en la rejion per plu ca un mil anios. La issas e afares somali es la du etnicos la plu grande. Ambos de los parla linguas afroasiatica, cual es linguas nasional reconoseda.
La droga minor khat/qat es multe popular.
La pais es un base importante per la armada franses.