Camerun
| Republica de Camerun Republic of Cameroon République du Cameroun | |||
|
| ||
| |||
| Informa jeneral | |||
| Capital: | Yaoundé | ||
| Lingua ofisial: | Engles e franses | ||
| Dirije | |||
| Governa: | Republica presidental | ||
| - Xef de stato: | Paul Biya | ||
| - Xef de governa: | Philémon Yang | ||
| Otras | |||
| Area: | 475,442 km² | ||
| Popla: | 22,534,532 | ||
| Densia: | 39.7 | ||
| PIB: | US$ 77.42 milion | ||
| Mone: | |||
| Zona de ora: | WAT (UTC+1) | ||
| Numero de telefon: | +237 | ||
| Interede: | .cm | ||
| |||
Camerun (en engles: Cameroon /ˌkæməˈruːn/; en franses: Cameroun /ka.mə.ʁun/ o /kam.ʁun/), nomida ofisial la Republica de Camerun (en engles: Republic of Cameroon; en franses: République du Cameroun), es un pais en Africa sentral. Lo borda Nijeria en la ueste; Txad en la norde-este; Sentrafrica en la este; e Gine Ecuatoral, Gabon e Congo en la sude. La costa maral de Camerun es longa la Baia Biafra, cual es un parte de la Golfo Gine e la Mar Atlantica.
La linguas ofisial es engles e franses, e sirca 24 linguas african es ance linguas major. La pais es comun refereda como "Africa en miniatur" per sua diversia jeolojial e cultural. Lo ave plaias, desertos, montes, forestas pluvosa e savanas. La punto la plu alta a cuasi 4 100 metres es Monte Camerun en la rejion sude-ueste de la pais. La area de la pais es sirca 475 440 cilometres cuadrida. La cuantia de abitores, en la anio 2007, ia es sirca 18 060 382 persones. La sites la cuantias de abitores plu grande es Douala cual es a la Rio Wouri e es la capital economial e la porto xef, Yaoundé cual es la capital political, e Garoua. Pos lo autonomi, la nasion junta se a la Comunia de Nasiones, an si la plu de sua teritorios ia es pasada un colonia deutx e, pos la Gera Mundal Prima, un autoria franses. La pais es bon conoseda per sua stilos nativa de musica, spesial makossa e bikutsi, e per sua ecipo nasional de futbal cual es susedosa.
Abitores prima de la teritorio ia inclui la sivilia sao, prosima a Lago Txad, e la baka, xasor-coliores en la foresta pluvosa sude-este. Esplorores portuges ia ateni la costa en la sentenio 15 e ia nomi la area Rio dos Camarões (Rio de Gamba), cual ia deveni Cameroon en engles e Cameroun en franses. Soldatos fulani ia fundi la Amiria Adamawa en la norde en la sentenio 19, e etnicos variosa de la ueste e norde-ueste ia fundi xefias e fonias potiosa. Camerun ia deveni un colonia deutx en 1884 conoseda como Kamerun.
Pos la Gera Mundal Prima, la teritorio ia es divideda entre Frans e la Rena Unida como un autoria de la Alia de Nasiones. La partito political Union des Populations du Cameroun (UPC) ia promove autonomia, ma ia es deslegalida par Frans en la desenio de 1950, cual ia comensa la Gera de Autonomia Camerunes. Militares franses e UPC ia combate lunlotra asta 1971. En 1960, la parte de Camerun cual ia es governada par la franses ia autonomi como la Republica de Camerun sur presidente Ahmadou Ahidjo. La parte sude de la Camerunes Brites ia uni con lo en 1961 per formi la Republica Federal de Camerun. La federa ia es abandonada en 1972. La pais ia es renomida a la Republica Unida de Camerun en 1972 e a la Republica de Camerun en 1984.
Camerun ave stablia political e sosial relativa alta. Esta ia permete la crese de cultiva, ruas, ferovias e industrias grande de petrolio e lenio.