Ded Moroz

Ded Moroz (rusce: Дед Мороз, simil en otra linguas slavica) es un carater de fables, simil a Padre Natal e Santa Claus, e ave sua radises en mitos de paganisme slavica. La tradision es xef sperdeda en paises este slavica, e es un parte importante de la cultur rusce e soviet plu temprana. La tradui leteral es "Ava Glasa"

Ded Moroz, con Sneguroxca.

Ded Moroz es imajida como traente presentas a enfantes cortesa, comun traente los personal a la sera de la anio nova. El porta un roba longa pelosa, un xapo pelosa, e un valenci (bota tradisional de felta). El ave un barba longa e blanca, e porta un basto longa majiosa. El viaja tipal en un troica (un treno traeda par tre cavalos).

En la cultures de slavica este, Ded Moroz es acompaniada par Sneguroxca (rusce: Снегурочка), la Neta Neva, ci porta robas longa de blu-arjentin e un capeta pelosa o un corona flocin. El es un marca unica de Ded Moroz, car carateres simil en otra cultures no ave un acompanior fema.