Delfin
Delfines es la nom comun de mamales acual en la infraordina Cetacea (setaseo). On ave 40 spesies esistente cual es nomida delfines.
Delfines varia en longia de 1.7 metres e pesa sirca 50 kg de la delfines de Maui a la 9.5 metres e 10 tones de la orca (Orcinus orca). Alga spesies mostra dimorfia sesal, con mases plu grande ca femes. Los ave corpos idrodinamical e du membros cual ia evolui a aletas. An si no tan flexable como focas, alga delfines pote nada a 29 km/h per distantias corta. Delfines usa sua dentes cono per catura preda movente rapida. Alga spesies es bon adatada per tufa a profondas grande. Los ave un strato de gras su la pel per manteni caldia en acuas fria.
Delfines es a veses xasada en locas como Japan. Los sufri de menasas de caturas nonpertinente, perde de abitadas, e contamina maral. Delfines ia es imajida en multe cultures tra la mundo, e a veses usada en filmas e leteratur. Delfines es a veses mantenida en nonlibria e instruida per presente atas jinastial. La spesies nonlibre la plu comun es la delfin con beco botelin (Tursiops truncatus), la plu comun delfin. Ance incluida es sirca 60 orcas caturada.
Fisiolojia
editaAn si delfines es sperdeda vasta, la plu de spesies prefere la acuas plu calda de zonas tropical, ma algas, como la delfin lisa (Lissodelphis), prefere climas fria. Delfines come xef pexes e calamares, ma alga, como la orca, come mamales plu grande, como focas. Delfines mas copula tipal con alga femas cada anio, ma femas copula sola cada du o tre anios. Enfantes nase tipal en la menses de primavera e estate, e femas ave tota cura per los. Madres de alga spesies juna e dona lete per periodos longa.
La respira de delfines es sempre voleda. Per esta razona, delfines dormi con sola un emisfera de sua serebro a un ves. Esta es ance bon per vijila per predores.
Los ave la oia bon developada cual es adatada per aira e acua, e es tan bon developada ce algas pote survive an si los es sieca. La oios de delfines es relativa peti per sua grandia, ma reteni un bon grado de vide. Plu, la oios es a la lados de sua testa, cual permete vide con du campos, en loca de la vide binoculal como umanas. La lobes olal es asente en delfines, cual indica ce los no ave un senti de ole. Ance, sua papilas de sabor es atrofiada o tota asente, cual indica un capasia per sabor asente o minima. Ma nota ce alga spesies ave preferes entre tipos diferente de pex, cual indica alga lia a sabor.
Delfines produi un varia de vosis, la plu frecuente en la forma de clicas e sibilas. Lo pare ce alga sibilantes spesifada (sibilas de identia) es usada par delfines per identifia o clama, e los pote imita lunlotra. Un sibila unica developa temprana en la vive de un delfin, e pare es creada como un imita de la sibila de identia de la madre. La imita pare aveni sola entre la madre e sua enfantes, e entre alga mases adulte cual ia es aminida.
Intelijentia
editaLa delfin con beco botelin ave un masa asoluta de serebro de 1500 - 1700 grames. Esta es un poca plu grande ce los de umanas (1300 - 1400 grames) e sirca 4 veses tan grande como los de la ximpanzes (400 grames). La "EQ" (de engles Encephalization quotient, "proportio de ensefali") varia multe entre spesies, de lo de la delfin de La Plata (1.6 EQ) a la delfin con becas botelin (4.56 EQ). Per compara, elefantes ave entre 1.13 a 2.36, ximpanzes sirca 2.49, canes sirca 1.17, gatos sirca 1.00, e muses sirca 0.50.
Neurones fusin (sin multe ramos) ia es descovreda en la ensefalos de multe setaseos. Umanas, primates, e elefantes, tota bon conoseda per sua intelijentia alta, es la sola otras con neurones fusin. Esta neurones pare como ave un rol sentral en la developa de condui intelijente. Tal descovre pote sujesta ce un evolui converjente ia aveni en esta spesies. La Globosefalo comun (Globicephala melas) ave plu neurones neocortexal ca cualce mamal, incluinte umanas.
Tasonomia
edita- Suprafamilia Platanistoidea
- Familia Platanistidae - Delfines de rios de Asia sude
- Suprafamilia Iniodea
- Familia Iniidae - Delfines de rios de America sude
- Familia Lipotidae - Delfines de rios xines
- Familia Pontoporiidae - Delfin fransiscan
- Suprafamilia Lipotoidea
- Familia Lipotidae - Delfines de rio Yangzi (o "Baiji, posible estinguida)
- Suprafamilia Delphinoidea (delfines de mares)
- Familia Delphinidae - Delfines de mares
- Jenero Australodelphis - Delfin australian - un jenero estinguida de la pliosene
- Jenero Cephalorhynchus - Delfines txilean, de Commerson, de Haviside, e de Hector
- Jenero Delphinus - Delfines comun
- Jenero Feresa - Delfin nanin
- Jenero Globicephala - Globosefalo tropical, negra
- Jenero Grampus - Delfin de Rosso
- Jenero Lagenodelphis - Delfin de Fraser
- Jenero Lagenorhynhus - Delfines de lados blanca, oscura, crusida, con beco blanca, e de Peale
- Jenero Lissodelphis - Delfines lisa
- Jenero Ocaella - Delfines de Heinsohni, de rio Irauadi
- Jenero Orcinus - Orca
- Jenero Peponocephala - Delfin de Eletra
- Jenero Pseudorca - Delfin orcin
- Jenero Sotalia - Delfin guianan, delfin de rio Orinoco
- Jenero Sousa - Delfines con jiba
- Jenero Stenella - Delfines manxada, de Clymene, raiosa, jirante
- Jenero Tursiops - delfinas con becos botelin, burrunan
- Familia Delphinidae - Delfines de mares
Delfines de la mares
edita
-B.png)
_NOAA.jpg)
.jpg)
_NOAA.jpg)
.jpg)
Delfines de la rios
edita| Nom | Abita | Imaje |
|---|---|---|
| Delfin de rio Yangzi (xines: Baiji) | Rio Yangzi | 
|
| Delfin de rios sude asian | Asia (sude) | 
|
| Delfin de rio Amazona | Basin de Rio Amazona | 
|
| Delfin de rio Araguaia | Amazonia (este) | 
|
| Delfin de rios bolivian | Amazonia (Bolivia) | 
|
| Delfin de rio Orinoco (tufi: Tucuxi) | Basin de Rio Amazona | 
|