La Setaseos es un ordina de mamales cual inclui balenas, delfines, e fosenas. Los es la mamales la plu ajustada per abita en la acua. La brasos ia deveni aletas, la gamas es nonvidable, e la coda ia deveni un aleta grande. La setaseos es sin pelo, e isolida par un strato densa de gras. La ordina es ance conoseda per sua intelijentia grande.

Un de la setaseos la plu grande: la megatera

La ordina conteni 90 spesies. La plu de spesies es de mares, estra 5 spesies de delfines de rios. La ordina es divideda en du suordinas: Mistisetio (balenas vera) e odontosetio (balenas con dentes, incluinte delfines e fosenas).