Sir Cixote
| La nobil injeniosa Sir Cixote de La Manxa El Ingenioso Hidalgo Don Quixote de la Mancha | ||||||
|---|---|---|---|---|---|---|
_El_ingenioso_hidalgo_Don_Quixote_de_la_Mancha.png)
| ||||||
|
Sir Cixote (en espaniol moderna: Don Quijote AFI: [doŋ kiˈxote] escuta) es un novela espaniol par Miguel de Cervantes Saavedra. Lo descrive la aventuras de un nobil espaniol ci, pos leje naras de cavaleria, comensa crede ce el es un cavalero ci debe batalia la nonjustias de la mundo.
El viaja xercante aventuras con sua acompanior Sancho Panza, un cultivor naive. La imajina de Cixote es frecuente noncontrolable, e el vide molines de venta como jigantes e oteles campanial como casteles.
Cervantes ia intende la novela como un satira de naras de cavaleria en la eda medieval, ma el ia crea un imaje rica de vive espaniol e metafores briliante.
Sir Cixote ia influe vasta a la developa de naras de prosa, e ia deveni la tema de multe obras diversa en la campos de arte, filma, baleto, opera e depinta.
| En un vileta de La Mancha, de cual me ave no desira de recorda sua nom, a no multe tempo ante aora, un senior ia abita de acel spesie ci garda un lansia en la portalansia, un peti scermo vea, un cavalo magra, e un lepror per corsa. Un vaso de carne alga plu de bove ca de ovea, un salada a la plu de seras, duelos y quebrantos a saturdis, lentiles a venerdis, e un pijon plu a la soldi, ia consuma tre cuatris de sua revenu. La resta de lo ia desapare contra un jaca de stofa amirable e un pantala de veluda con sapatos corespondente per festas, e en dias de semana el ia presenta un figur corajosa en sua vestes la plu bon, texeda a casa. El ia ave en sua casa un manejor con plu ca cuatrodes anios, un sobrina con min ca dudes, e un xico per la campo e la mercato, ci ia tende ensela la cavalo e maneja ance la desramador. |
