La Asioneria de New York, a Wall Street
Esta es la article sur economia. La categoria Economia conteni plu articles sur economia.

La economia es la siensa sosial cual studia la prosedes de la produi, distribui, comersia e consuma de cosas e servis en un situa de compete per recursos. Lo studia ance la produi e distribui de ricia.

La economia studia la sasia de la nesesas umana par recursos, partinte de la prinsipe ce la recursos natural e la cosas es limitada o nonsufisinte; esta es per dise ce on no pote sasia tota partisipantes de la economia, e ce la individuas o sosias debe deside entre alternativas diversa. Seguente, un aspeta sentral de la economia es la studia de la prosedes de deside en individuas o grupos. Jeneral, la economistes crede ce la motivas e preferes individua determina la plu la prosedes de deside. La variables studiada es cuantais mesurable, spesial en la situa de la "mercato".

EtimolojiaEdita

La parola "economia" veni de la elinica οίκος (oikos) "casa" e νέμω (nemo) "leges", o "leges de la casa".

IstoriaEdita

Scrivedas economial dati de la eda de sivilias mesopotamian, elinica, roman, indian, xines, persian e arabi. Presetas economial apare tra la scrivedas de la poesiste Hesiodo e istoristes economial variosa ia descrive Hesiodo como la "economiste prima". Otra scrivores notable de Antica a Renase inclui Aristotele, Xenofon, Cautilia, Qin Shi Huang, San Tomas de Aquino e Ibn Khaldun. Joseph Schumpeter ia descrive Tomas de Aquino como "plu prosima ca cualce otra grupo a la 'fundores de economia siensal'" como un teoria monal, de valua e interesa a en un punto de vide monal.

Du grupos, plu tarda nomida "mercantilistes" e "physiocrats", ia influe plu direta la developa seguente de la sujeto. Ambos grupos ia es liada con la asende de nasionalisme economial e capitalisme moderna en Europa. Mercantilisme ia es un crede economial cual ia flori entre la sentenios 16 e 18 en un leteratur de libreta, de mercatores o omes de stato. Lo ia opina ce la ricia de la nasion ia depende de sua cumula de oro e arjento. Nasiones sin asede a minas ia pote oteni oro e arjento de comersia vendente benes estra la pais e restrinjente emportas eseta oro e arjento. La crede ia clama a emporta materiales cru per es usada en fabricerias, e la produida final ta pote es esportada; e ance per regula statal per pone tarifas protejor sur benes fabricada estra la pais e proibi fabrica en colonias.

Fisiocrates, un grupo de pensores e scrivores franses de la sentenio 18, ia developa la idea de economia como un flue sirculo de revenu e esflue. Fisiocrates ia crede ce sola produi cultival ia jenera un suprapasa sur la custa, donce cultiva ia es la funda de tota ricia. Tal, los ia oposa la politica mercantisliste de promove fabricerias e comersia a custa de cultiva, incluinte tarifas sur emportas. Fisiocrates ia defende sustitui colies de impostas cual ia es custosa per un imposta unica sur revenu de propriores de tera. En reata contra la regulas "mercantilist" sur comersia, la fisiocrates ia defende un politica libraliste, cual ia prefere un interveni minima de governa en economia.

Analise economial pote es aplicada en sosia, en imobila, comersia, finansia, aida medical, e governa. Analise economial es alga veses ance aplicada a sujetos tan diversa como crimin, educa, familia, politica, relijio, instituidas sosial, gera, siensa e la ambiente.

Adam Smith ia es un teoriste economial temprana. Smith ia critica la mercantilistes ma ia descrive la sistem fisiocrata "con tota sua nonperfetas" como "cisa la prosima la plu pur a veria cual ia es publicida asta oji" sur la sujeto.

Vide anceEdita