Eda de Fero en Xina

La idea de un Eda de Fero en Xina e Asia este no aplica bon a la cultures de la area. En Xina, enscrives en bronze ia es trovada de sirca 1200 aec, presedente la developa de metalurjia de fero, cual ia es sabeda en la sentenio nove aec. Donce, lo periodi de istoria xines ia cambia a la usa de dinastias ante la eda de usa de fero, e "Eda de Fero" no es un espresa usada per descrive un periodo en istoria xines.

Metalurjia de fero ia ateni la vale de la Rio Yangzi a la fini de la sentenio ses aec. Alga ojetos ia es trovada a Changsha e Nanjing. Evidentes de tombas ia sujste ce la usa comensante de fero en Lingnan parteni a la Periodo de Statos Gerante media e tarde (de sirca 350 aec). Utiles de fero ia es trovada a la tomba a Guwei-cun de la sentenio cuatro aec.

La tecnicas usada en Lingnan es un combina de moldas bivalva de la tradisiones de la sude e la tecnolojia de moldas de pesos de Zhongyuan. La produidas de la combina de esta du periodos inclui campanas, vasos, armas, e ornas.

En Tibet, la usa de fero es asosiada con la cultur Zhang Zhung, descriveda en la scrives temprana de Tibet.

En Japan, cosas de fero, como utiles, armas, e ojetos de decora, es suposada como entrada Japan en la periodo Yayoi tarde (sirca 300 aec a 300 ec) o la periodo Kofun susedente (sirca 250 a 538 ec), probable par contatas con Korea e Xina.

Ojetos de fero ia es introduida a la penisola de Korea par intercambia con xefias e statos en la area de la Mar Jala en la sentenio cuatro aec. Produi de fero segueda rapida en la sentenio du aec, e utiles de fero ia es usada par cultivores par la sentenio prima en Korea sude. Brices de fero ia es trovada en tombas, indicante la ricia o prestije de la mor.