Efemera

Efemeras es insetos acual de la ordina efemeroptera, un parte de un grupo antica nomida paleoptera, cual conteni ance la libelas. Plu ca 3000 spesies de efemera es conoseda, grupida en plu ca 400 jenera en 42 familias. La nom ia es usada par la elinicas antica per un flor o la inseto cual vive sola per un dia. En la sentenio 18, alga scrivores ia estende sua sinifia a cosas plu jeneral cual no dura longa.

Un efemera mas, con "oios turbanin"

Efemeras mostra alga cualias antica cual ia es probable presente en la insetos volante prima, como sua codas longa e alas cual no plia plata sur la adomen. Sua pasos nonmatur (nomida nimfas) abita acua fresca, e sua presente indica un ambiente limpa e noncontaminada. Los es unica entre la insetos per ave un paso adulte teran con alas (la suimago), cual muta a un adulta sesal matur (la imago). Efemera emerje como adultes de primavera a autono en cuantias enorme. La adulte ave sola un gol: reprodui. Los vive per un dura corta; un spesie dura sola sinco minutos

Efemeras adulte ave stutures relativa primitiva. Los pare delicata, con un o du alas triangulo e membranosa, covreda par venas. Cuando restante, la alas es tenida vertical, como papilios. La alas posterior es multe plu peti ca la alas anterior, o pote es vestilia o asenta. La sesion du de la torax, cual porta la alas anterior, es grandida per teni la musculos xef de vola. Adultes ave antenas corte e flexable, oios composada grande, tre oietas, e partes de un boca cual es nonfunsionante. La adulte no come. En la plu de spesies, la oios de la mas es plu grande, e la gamas anterior es plu longa, per usa en la loca e teni de femes en sua copula en aira. La femes produi entre 400 e 3000 ovos, cual el pone sur la acua.

En alga familias de efemeras, la mases ave du oios plu grande e silindre cual fasa a supra, nomida "oios turbanin", cual es capas de deteta lus ultravioleta. Los pote deteta femas volante a supra de los. En alga spesies, tota gamas no es usable, estra la duple anterior de la mas. Unica entre insetos, efemeras ave jenitales duple, e la mases ave du edeagos, organos usada como penises, e la femas ave du gonopores, usada como vajinas.